Tölvupósturinn.... fimmti hluti... kannski sá síðasti...

Jæja  nú  er ég farinn að halda  að  þessu tölvupóstsdrama  sé  að ljúka  einu sinni fyrir allt..  enginn póstur  kominn síðan síðdegis í  gær  og  vonandi er þessu bara lokið  núna..  og  starfsmenn  hýsisins  búnir  að  ná  tökum á málinu..  og  færi ég þeim bestu þakkir fyrir það .. 

Annars  er  allt  gott að  frétta  af mér,  er  að  undirbúa  heimferð  á  miðvikudaginn,  ganga  frá  gögnum og  koma  sem allra flestu frá áður en  jólin koma..  Ég  er búinn að vera ótrúlega duglegur í  ræktinni minni hér undanfarnar  vikur,  farið á hverjum einasta  morgni  núna í  16 daga í beit  og aldrei minna en  35 mínútur og uppí  100 mínútur í hvert  sinn.   Það  er  ótrúlega  gott að hafa  tækin svona við  svenherbergisdyrnar og komast ekki hjá því að sjá  þau þegar maður skrönglast  framúr  á morgnana..  Ég  finn  mikinn mun  á ekki  lengri tíma  en þessum og  formið hefur lagast,  þó ég hafi ekki  verið í slæmum málum fyrir,  en þá  má  alltaf bæta sig..

Ég  ætla  að  nota  tækifærið  og senda  góðar  kveðjur austur á Eskifjörð, þar sem ég veit að tvær  góðar vinkonur  mínar  ætla  að syngja á árlegum  Jólatónleikum í  Eskifjarðarkirkju í  dag eða kvöld,  ég  er  ekki í  vafa um að  þetta verða  frábærir  tónleikar  enda frábært  listafólk á ferðinni,  gangi ykkur vel og  verið  stolt af  því að viðhalda  þessari  frábæru menningu sem er svo mikils virði  fyrir landshluta eins og  Austurland..

Hér er nú bara sól  og hiti að vanda, einhverjar 25+ gráður  og  mikið  venst þetta veður vel..

Hafið það eins og þið viljið  þessa síðustu daga fyrir jólin  og skelliði  Skrámi  endilega undir geislann.

Magnús G. 

 

Tölvupósturinn....fjórði hluti......

Ég  er  að byrja að fá höfnunartilfinningu,  það eru bara  3  póstar  komnir síðan í morgun og enginn í  rúma 4  tíma..  kannski  er  bara  búið  að  taka  á  Case  Number XXXXX  hjá  stóra  fyrirtækinu  sem  hýsir netfang  sendandans.  Annars  verð  ég að segja  frá  smá  uppákomum  í  gær og  í  dag  hér í  eyðimörkinni.    Í  gær  elduðum við  kæsta  skötu  hér og  hrikalega var  hún góð með hamsatólg  og alles,  klikkar  aldrei  skatan  sama  hvar  maður er.   Svo  ætluðum að við elda  ferska tindabykkju í  kvöld  og  þegar  búið  var  gera  allt  klárt í  eldhúsinu og  tindabykkjan kom þá  reyndust  tindbykkjubörðin  vera  kjúklingabringur   og  þær voru frábærar.   Annars  verður spennandi  að  fylgjast með  því hvort  tölvupósturinn kemur aftur  eða  hvort hann er dauður úr  öllum  æðum..   það  koma  frekari fréttir  á  morgun......

Hafið það eins og  þið  viljið 

Magnús G.   

Tölvupósturinn...... Þriðji hluti......

Case  number   XXXXX   er  enn í úrlausn  og  ekkert  bólar á  úrlausn  frá  stóra fyrirtækinu  ennþá,  það  biðu   10  póstar  í  pósthólfinu í morgun  sem voru 270  megabite  og  voru allir sendir  miðvikudaginn s.l.  kl.  1607...  Þetta  er  heldur einfaldara  hjá mér  heldur en hjá Skrámi  vini mínum,   það  var svo  mikill  sóðaskapur hjá honum,  en  ég er búinn að reikna það út að ég er búinn að fá miklu  meira heldur hann  fékk um árið,   ég er  búinn að fá  núna  yfir 50  tölvupósta  sem eru næstum  1500  megabite..  og  allt þetta bara á  rúmum 3 sólarhringum..   Annars  hef ég það gott.  hér er allt að  falla í  mikið  dúnalogn  vegna hátíðar lambsins  sem nú  ber uppá  21.  desember   og  eins og  hjá okkur  á jólum,  þá  sameinast  fjölskyldur á  þessum  tíma.   Mjög  margir  eru farnir norður  í  land  og koma ekki  aftur fyrr  en  27.  desember og þá  byrjar  allt  að komast í fastar skorður aftur.   Hér  er  búið  að vera hlýtt undanfarna daga  enda  austanvindur sem kemur beint innan  úr eyðimörkinni....Ég  hlakka orðið mikið til að koma  heim í vikunni og  ég  verð að segja að ég er  mjög  spenntur fyrir fimmtudeginum  því  þá  útskrifast  hann Guðjón minn sem stúdent  frá MK  og  mikið  er ég stoltur  af  honum.   Ég  hlakka  til jólanna  eins og alltaf  og  það  verður gaman og  gefandi  að fá að  njóta  tímans með  börnunum  á  þessari  miklu fjölskylduhátíð..    Ég  mun  halda ykkur upplýstum um Case  Number XXXXX,  í  samræmi við  framgang  málsins  ... 

Hafið það eins og þið viljið 

Magnús G..

Tölvupósturinn....annar hluti.....

Litlar  breytingar hafa  orðið  á  og þó  tölvupósturinn  kemur  ekki  alveg  eins oft  og á  tímabili,  kannski að  hann hafi lent  í  veðrinu og  honum gangi illa  að berjast  á  móti rokinu sem skekur  allt  og  feykir öllu um koll þessa  stundina.   Það er bara  ágætt í  logninu og  27 gráðunum hér á meðan þetta gengur yfir Ísland..  En  Tölvupósts  dramað   er búið að fá  Málsnúmer  hjá  hýsi  sendandans  og  var það staðfest við mig með tölvupósti  í  morgun...   Ég  róaðist rosalega  við að þetta  er komið  með  málsnúmer  og  að  það á að fara að vinna í málinu og ég  sem hélt að  það væri  bara  skrifræði  hér í  Afríku..  en ég  er bjartsýnn  að  eðlisfari og  stóra fyrirtækið  fær að njóta  vafans  alveg þar til  þolinmæðin brestur eða  þeir bara klára sig af málinu..   Skrámur er mér  ennþá  hugleikinn...  meira  seinna ................

Hafið það eins og þið viljið

Magnús G. 

Tölvupósturinn ...........fyrsti hluti....

Í  gær  fékk ég  tölvupóst frá góðri vinkonu minni sem var  svo artarleg við mig  og  sendi mér "layout"  af  almanaki  sem mig langaði að búa til fyrir næsta ár..  Ég  fékk þennan fína tölvupóst  sem var  27 megabite  með öllum myndunum og  hann var í langan langan tíma að halast niður  og að  lokum datt  hann í tölvuna mína.  Það  er  nefnilega  ekki eins  hröð  tenging hér eins og heima á Íslandi.  Ég  byrjaði að doktorera  layoutið  og  setja mark mitt á það og nýjar myndir af minni fjölskyldu  og  þetta bara gekk mjög  vel.  Tveimur tímum seinna kom annar tölvupóstur svona stór og ég hugsaði, rosalega er hún Halldóra  góð  við mig,  sendir þetta bara aftur, hún ætlar nú örugglega að passa að maður fái það sem hún lofar  manni.. og  ég varð  enn meira þakklátur fyrir greiðann..   Ég  hleyp  nú hratt yfir sögu  og   nú  þegar ég  skrifa þetta blog þá er tölvupósturinn búinn að koma tuggugu og eitthvað sinnum  a.m.k.  og  hann er búinn að blokkera  outlookið hjá mér í mest allan dag og ég er búinn að leita  allra  leiða til  að stoppa þennan póst en  án árangurs,  þrátt fyrir samtöl við sérfræðinga hjá þeim hýsa  mitt pósthólf og  einnig þá sem hýsa hitt pósthólfið og er það nú ekkert smáfyrirtæki,  sem skilja ekkert í málinu og  geta ekkert gert ennþá og ég fæ  póstinn á klukkutimafresti ennþá.  Ég  verð nú bara að segja að mér líður eins og Skrámi  blessuðum þegar hann skrifaði Jólasveininum  um árið,   ekki meira, plís  ekki fleiri dagatöl..   En  ég er samt þakklátur Halldóru vinkonu minni fyrir dagatalið sem hún sendi mér í góðri trú.     Nú bíð ég spenntur eftir þvi hvað það  verða margir  dagatalspóstar í fyrramálið  þegar ég vakna,  ég  spái  8 stykkjum og rúmum 200 mb..  

Já það gerist ýmislegt í eyðimörkinni í  Afríku,  hafið það eins og  þið viljið,  framhald síðar ..

Magnús G.

 

Austanvindur..... og...........

Það  er búið að vera ansi svalt hér í  Sahara eyðimörkinni undanfarið,  kannski 12 gráður á nóttunni og  rétt um 20 gráður yfir hádaginn,  þetta er  skítkalt  hér  og  er  peysuveður  alla  daga,  nema í  dag  brast hann á með austanvindi..  Það er nú  flest  ef  ekki allt gott sem kemur að austan,  alla vega austan af fjörðum og  haldiði  ekki bara að hann hafi hent  sér  í  32 gráðurnar  í  dag  og ég verð að segja að það var nú bara notalegt....Húsin nefnilega  kólna  líka og eru lengi að hitna og það hefur verið kalt  á  nóttunni fyrir svona  einhleypa  kalla  hér í  eyðimörkinni undanfarið..  Það  er  búið  að vera skemmtilega mikið að gera hjá mér  undanfarna daga og ekki timi fyrir blog  færslur,  ég ætla nefnilega helst að klára hálfan eða allan heiminn áður en ég kem heim eftir rétta viku,  til jólahalds  og  smá  hvíldar og flutnings í nýju íbúðina  mína..  Mér  hefur verið hugleikið  undanfarið, þetta  að eiga sér  draum  eða drauma.  Ég er svo  heppinn  að eiga mér draum og ég er svo  þakklátur fyrir að  geta  lifað drauminn minn  alla daga,  og  ég  er alltaf að nálgast hann meir og meir..  Ég  man þegar  ég var lítill drengur austur á  Búðum í  Fáskrúðsfirði, að alast upp  á bryggjunni innan um  glæsilegar  söltunarstelpur og  flotta  síldarsjómenn  á  klofstígvélum,  svörtum að  neðan og rauðum að ofan.  Ég man að ég dæmdi þessa kalla á  því hvernig þeir brutu uppá stigvélin  sín og  ef  brotið var  nákvæmt þá  langaði mig að  ræða við þá  annars ekki..  Á  þessum árum langaði mig  að verða skipstjóri  og mig dreymdi um að verða officeri  á Varðskipi, af  því það voru  stærstu skipin þá,  sem maður  sá,  bátarnir voru flestir  um og innan við 100 tonn á þessum árum.  Ég  lét  þennan draum rætast og  fór í stýrimannaskólann og fékk tækifærið  til að vera stýrimaður á Ægi  fyrir tæpum 29 árum síðan eða þegar  ég var 19 ára gamall.  Mér  er enn í  fersku minni  vellíðanin sem fór um mig allan þegar þessi draumur minn rættist.   En  síðan eru nú liðin mörg ár,  síldin horfin og komin aftur  og  Fáskrúðsfjörður eina síldarsöltunarplássið á Íslandi núorðið.   Leyfum okkur  að dreyma og förum á eftir draumunum okkar því þegar þeir rætast þá  líður okkur svo vel  og  höfum hugfast  það sem Walt Disney  sagði  "If you can dream it, you can do it"    Leyfum líka börunum okkar að dreyma,  ekki draga úr  þeim,  við vitum  aldrei  hvað það hefur í för með sér..    Bið að heilsa í jólastressið á Íslandi  og  endilega hafið það eins og  þið viljið............ 

Magnús G.

Að taka ábyrgð á sjálfum sér og börnunum okkar...

Það  að  taka ábyrgð á sjálfum  sér hefur verið mér  hugleikið  að  undanförnu og  er nú  ýmislegt  sem  upp í  hugann,  eins og  andlegt og líkamlegt atgervi,  holdarfar,  reykingar,  áfengisdrykkja,   ástundun í  námi og  vinnu og  síðast  en ekki síst  umhyggja og ábyrgð  á  börnunum okkar..    Af  hverju er  ég  nú að velta  þessu  fyrir  mér  hér í  eyðimörkinni  á  meðan  landar mínir  eru á  fullu í  jólastressinu og  hendast á  milli  Kringlunnar og  Smáralindar að  skoða  piparkökuhús eða hitta ameríska  Coka  Cola  jólasveina.  Auðvitað  á þetta ekki við um þá  sem búa á  landsbyggðinni  þ.e.a.s.  a.m.k.  ekki þá  sem búa  fyrir austan og vestan þeir skjótast  ekki í  Kringluna um hverja helgi og  njóta því  fjarlægðarverndar..  En  að  efninu,  oft  heyrir  maður einhvern  segja, ég  lenti  í þvi  að vera  rekinn úr  skólanum,  eða ég lenti í því  að missa bílprófið  (helv. löggan tók mig)  og svo mætti  lengi  telja,  í  stað  þess að segja  ég  kom mér  í þessar aðstæður og  tek  ábyrgð á  gjörðum mínum  og  breyti  öðruvísi næst, þannig að sagan endurtaki sig ekki og  lifa  þannig ábyrgu lífi.   En  það  sem  er  mér hugleiknast þessa dagana er  ábyrgði á  eigin heilsu og heilsu barnanna okkar á Íslandi.    Ég  var  svo  heppinn að engill settist á  öxlina á  mér  fyrir  rúmum 5 árum,  hvíslaði einhverju í eyrað á  mér, sem ég hlustaði á   og  síðan hefur heilsa  mín bæði andleg og líkamleg  tekið  slíkum stakkaskiptum að ég  trúi  því  varla  sjálfur að hægt sé uppskera  jafn mikið  á  jafn stuttum tima  og  5 árum.  Góð heilsa og  heilbrigður lífstíll  verður mér  æ  hugleiknari af  þvi  að  uppskeran  tekur engan  enda  og  alltaf  er  að koma meira  í hús  efitir því sem tíminn líður.  Það er mér alltaf  erfiðara og  erfiðara  að  sjá  vini og kunningja  sem eru að eldast  eins og  ég og eru enn í  þessum gamla  óholla  lífsstíl,  reykja,  drekka of mikið  af  kaffi og  áfengi,  eru 10 - 30 kg. of  þungir,  alltaf þreyttir, með slen og orkulausir  og þrá  sófann sinn   eftir  vinnu.  Við  verðum að taka  ábyrgð á  okkur,  ef  ekki okkar vegna  þá  barnanna okkar vegna, því  þau eiga  rétt á því að  hafa okkur í formi  eins  lengi og kostur er..   Það ergir  mig  einnig mjög  að  horfa uppá  Íslensk börn og  unglinga,  vera komin  í  þá  stöðu  að vera í hópi  feitustu  barna í heimi  og við þessi  vel menntaða þjóð  horfum á  og  gerum ekkert í  málinu.   Tökum nú ábyrgð á börnum  okkar og  nærum  þau  rétt svo  þau eigi  skemmtilegt  líf  framundan, full af orku og til í hvað sem er...  Mér  svona  datt þetta í  hug  af  því að  ég  hef  bara séð eitt barn  hér í  Sahara eyðimörkinni  sem er  of þungt..   Það er ýmislegt sem manni dettur í hug þegar maður er einn i eyðimörkinni..

Hafið það eins og þið viljið

Magnús G..  

 

Að segja satt eða segja það sem hlustandinn vill heyra....

Þetta  er  mér  hugleikið  nú um stundir,  af  gefnu tilefni.  Hér  í  þessu samfélagi verður  maður oft  fyrir þvi að  manni  er  sagt það sem "segjandinn"  heldur að maður vilji  heyra og  þá  heldur hann að allir séu ánægðir og glaðir og  verði þannig um alla tíð...Þetta  er  nú  stundum kallað  lýgi og  eða hvít  lýgi  ef  þetta er ekki mjö alvarlegt og  eða hagræðing á  sannleikanum og svo framvegis..  Mér var tamið í  uppeldinu að vera heiðarlegur og segja satt, þó að það væri kannski ekki alltaf  auðvelt eða þægilegt  og  þessum lífsreglum hef ég fylgt  nánast  undantekningalaust.   Ég  hef  reynt að framlengja  þessi  gildi til barnanna minna og  það  hefur tekist vel..  Ég  mun aldrei refsa  þeim og eða neinum fyrir að  segja sannleikann,  einfaldlega  vegna þess að ef maður refsar þeim sem segir sannleikann,  þá fer hann að segja það sem þú vilt heyra  og  allt  fer í vitleysu og  engu er  að treysta  lengur.  Ég  hef  ákveðið að segja bara alltaf  satt, það er svo miklu einfaldara.

Hafið það eins og þið viljið

Magnús G.

Vertu þú sjálfur, gerðu það sem þú vilt.......

Þessar  línur  úr  lagi  með  SSSól  vöktu  mig  til umhugsunar,  eftir  samtal  sem ég  átti  í  dag... 

1. desember,  Fullveldisdagurinn  okkar Íslendinga er nýliðinn og  minnti mig  á  hvað við  eigum gott að  búa  á Íslandi.  Það er  eflaust margt  sem mætti  betur fara  en  þrátt  fyrir  allt  eigum við  að  vera  þakklát  fyrir  að  geta  verið  við  sjálf  og  gert það  sem við viljum.  Það  er  ekki svo  langt  síðan við  höfðum ekki þessi  sjálfsögðu  réttindi að  gera  nánast allt  sem við  viljum..   Því  betur sem ég  kynnist  því  hvernig  margar  aðrar  þjóðir  hafa  það  og  ekki síst hér  í  Afríku  þá  verð ég  alltaf meira og meira  þakklátur  fyrir  að vera Íslendingur.   Og  þetta  söng  Helgi  Björns  svo snilldarlega;

 

Vertu þú  sjálfur,

gerðu það  sem þú  vilt,

Vertu þú  sjálfur,

eins og þú ert,

Láttu það flakka,

dansaðu í  vindinum

faðmaðu heiminn 

elskaðu, 

Farðu  alla  leið, 

ba babba lu babba  babba bei, 

farðu  alla  leið,,  Alla  leið

allt  til  enda,  alla  leið..... 

 

Hafið  það  eins og  þið viljið 

Magnús G. 

 

 

 

 

Aðventan í Sahara.....

Til  hamingju með  daginn allir  Íslendingar,  mér  finnst  þetta  alltaf  vera dagurinn sem  við  urðum frjáls  1. des.   og   mér  finnst  reyndar að það  ætti að  gera  svolítið meira  með  þennan  dag svona  almennt.   Ég  er  að berjast  í  lélegu  netsambandi  þessa dagana,  kemur stundum fyrir hér í Afríku að  hlutirnir  ganga  ekki  eins og maður á að venjast á Íslandi,, og  setningar  eins og  "Maybe today, maybe tomorrow or  maybe  some  day  later"  heyrir  maður stundum hér  og  maður veit  bara  ekki hvort maður á að  gráta  eða  hlægja  að  allri  þessari  vitleysu  sem  við  vesturlandabúar  erum  búin a koma  okkur í..  Maður  er eiginlega orðinn þannig að  Internet er  orðið  jafn nauðsynlegt  og  súrefni  til að  hlutirnir  gerist,  er  þetta ekki hálfgeggjað  allt  saman..  En nú  er  aðventan að hefjast  bara  núna  kl.  2400  hefst  fyrsti  sunnudagur  í  aðventu,  þessi  tími  finnst  mér alltaf  nokkuð góður og  notalegur, mikið  af  fallegum  aðventuljósum og  aðventukrönsum  ýmiskonar sem  færa  okkur  gleði  og yl  og  láta okkur  hlakka  til  jólanna  sem eru handan  við  hornið..  Ég   verð  hér  í  Eyðimörkinni  þessa aðventuna  og hlakka  til  hennar  og  mun  örugglega  hugsa  til  ykkar  sem  eruð  á  fullu í  þessu svokallaða  jólastressi,  hér  er  ekki margt sem  minnir  á  þennan tíma,  engin aðventuljós og  engar jólaskreytingar sjáanlegar  og  það  er bara  notalegt að láta  minna  sig á  hvað  þessi  tími er  skemmtilegur  á Íslandi,  njótið  aðventunnar  í  botn á  Íslandi,  ég  ætla  að gera  það  hér  í  Sahara  eyðimörkinni.

 Hafið það eins og  þið  viljið

Magnús G.