Kominn í frí...

ég  kominn  í  frí  eftir  ansi  strangt  tímabil  undanfarið ár.   Ég  ætla  að  nýta  tímann  framundan  til  að  einbeita  mér  að  sjálfum mér  og  hvíla  mig og rækta  líkama  og sál.   Mínu  verkefni  í  Marokkó  er  lokið,  búið  að  endurskipuleggja  reksturinn  og  framhaldið  er  höndum  nýrra  eigenda  sem  ég  óska alls  hins  besta.  

Næstu  daga  ætla  ég að  njóta  þess að  vakna  þegar  ég er búinn að sofa,  fara út  þegar mig  langar og gera það  sem mig langar til að  gera,  semsagt  vera í fríi.

Hafið það eins og  þið  viljið,  ég ætla  að  gera  það.

Magnús G.

Set  inn  eina  mynd úr  Sahara  eyðimörkinni  sem  er mér nú ansi kær  eftir þennan tíma og  kannski  sérstaklega  fólkið  sem þar  býr og  þarf svo virkilega á  fyrirtækjum  eins og okkar að halda. 

Áfall í gærkvöldi á Kópavogsvelli en .....

við megum  ekki leggja árar í bát.   Þó  að  vörnin hjá  Blikum hafi  verið annarshugar  og  í  öðrum  heimi  í  gærkvöldi  þá  verða þeir  að  læra af  þessu.    Ég  held að  Blikar  hafi  einfaldlega  vanmetið  Grindvíkingana  og  því  fór sem  fór.   Ég  vona  bara  að  þessi  rassskellur  komi  mönnum  niður á  jörðina  og  framhaldið  verði  betra,  því  Breiðabliksliðið  er  feiki  gott þegar  hugarfarið er  í  lagi.

ÁFRAM  BREIÐABLIK 

Hafið það eins og  þið  viljið

Magnús G.

Fín ferð á Selfoss í dag..

 

Breiðablik  A  í  6. flokki  gerði  ágæta ferð á  Faxaflóamótið á Selfossi  í  dag.  Strákarnir  unnu  3  leiki  4-3, 2-1, 6-0  og  gerðu  eitt  1-1  jafntefli.   Liðið  er  alls  ekki nógu vel samstillt  og  langt  frá  því  að  leika  af  þeirri getu  sem  býr í  þessum strákum.  Liðið var  afar  vel  spilandi  á  síðasta  ári  og  eitthvað  hefur gerst í vetur  sem  nú verður  að  laga  og  ná  upp  miklu  betra  spili og  meiri  baráttu sem  einkenndi  alltaf  þessa  stráka.

Þetta var  samt  frábær  árangur  og  drengirnir  stóðu  sig  vel  og  vita að þeir  þurfa bara að fínpússa  þetta núna.    Ég  hlakka til að  fylgjast með þeim  í  sumar og sérstaklega í  Vestmannaeyjum  á  Shell móti  þar sem þeir unnu  C  riðilinn  í  fyrra  en  spila nú  sem  A lið  og  það verður  erfiðara  þetta árið   það  er nokkuð ljóst.

   Hákon tekur aukaspyrnu  í   nýju skónum sem reyndust mjög vel.                

 

Vona  svo  að  Valsmenn  smelli saman í  kvöld  í fyrsta  leik á  sínum heimavelli..

 

Hafið það svo  eins og þið viljið 

 

Magnús G. 

 

Útskrift, myndataka og veisla

i  tilefni af  útskrift  Sigrúnar  sem  fékk þessar líka  fínu einkunnir  á  stúdentsprófinu..  Eftir  útskriftina  fórum við beint í  myndatöku  og  nýttum tækifærið  til   að  taka  myndir  af  okkur  Helgu  með  börnunum  okkar  saman og  sitt í hvoru lagi  og  svo  myndir  af þeim  með  húfurnar sínar,  því  Guðjón  útskrifaðist  í  Desember  s.l.  sem stúdent  frá  MK.  Kl.  1900  var  blásið til veislu  sem  Alfreð  Ómar  Alfreðsson,  forseti  Klúbbs  Matreiðslumeistara,  sá  um  veitingarnar í.  Kærar  þakkir  Alli  fyrir frábæran  mat.  

Engin  veisla  er  betri  en  gestirnir og  þeir  voru  frábærir  í  þessari  veislu og  gerðu  hana  skemmtilega.. 

Það  er  rosalega  gaman að  halda veislur  og  ég held  að maður eigi að gera það  oftar og  ef  það  er  ekki tilefni  þá  á  maður að búa  það til. 

 Hópmynd  úr  veislunni..

 

Á  morgun  leggjum  við  Hákon  land undir  fót og  förum á  Selfoss þar sem hann á  að  keppa  með  Breiðabliki á  Faxaflóamótinu og  það  verður  gaman  að  sjá  hvar  þeir  standa  strákarnir  fyrir átök sumarsins.

Hafið  það eins og þið  viljið  og  já  til hamingju með  Eurobandið sem  gerði bara fína hluti í  kvöld.

Smá  pólitík,  í  hvaða flokk  ætli  Kiddi sleggja  fari nú,  mér  sýndist  Addi Kitta  Gauj  vera  frekar  brúnaþungur  í  sjónvarpinu  í kvöld  og  kæmi mér ekkert á óvart  að  Kiddi  kallinn yrði nú  bara rekinn úr  Frjálslynda flokknum.  

Magnus G. 

 

 

 

Stór dagur í dag

hjá  einkadóttur  okkar.    Sigrún Ásta  útskrifast  í  dag  sem  Student frá  Menntaskólanum í  Kópavogi  og  í  kvöld  verður  partý  í  Ásakórnum til að  halda uppá  áfangann.    Það er  mjög  góð  tilfinning  þegar  börnin  manns  gera  mann  stoltan og  það  er  ég  vissulega í  dag,  vonandi  get  ég  endurgoldið  það í  sama,  þ.e.a.s. að  börnin  verði  stolt af  foreldrinu.

Til  hamingju með  daginn þinn  elsku  Sigrún mín

 

Hafið  það  svo  bara  eins og  þið  viljið  um  þessa  miklu júrovísíon  helgi..

Magnús G.

Það má ekkert lengur..

Í  morgun  var  kastalinn  rifinn.   Ég  er  búinn að búa  hér  í Ásakór  síðan í janúar  s.l.  og  þegar  ég  flutti hingað  tók ég eftir  litlum  kofa  sem stóð  hér  sunnan við húsið og  hann var  það  vel byggður  að hann stóð af sér öll  hvassviðrin  í  vetur  og  vakti  það  oft  undrun mína.  Undanfarnar  vikur  eru  búnir að vera  nokkrir  krakkar  úr  hverfinu  að  bæta  við kofann  hæðum og  herbergjum   og  var  þetta  orðið að fínasta  kastala  og  búið að leggja  mikli rækt  og  vinnu í  bygginguna.   Ég  fylgdist  með  byggingunni stækka  dag frá  degi  og  oft  virtu krakkarnir  kastalann  fyrir sér  og  voru  stolt af  verkinu,  það  skein úr augunum.  Kannski  hefur  einhver  kvartað,  hvað veit  maður,   fólk  kvartar  yfir öllum andsk.  nú  til dags. 

En í  morgun  uppúr  kl.  0800  kom  trukkur  á  vegum  bæjarins  með  stóran  krabba   og  margra  vikna  vinna  brotin  niður  á  nokkrum  augnablikum,  væntanlega þegar krakkarnir  voru í  skólanum og  áttu sé  einskis  ills von.   Ég  vona  að  bærinn sýni  eigendum  blokkarinnar,  sem  er  vægast  sagt lítið augnayndi,  og  stendur  við  hlið  kastalans  sáluga  sömu hörku  ef  það  dregst  á langinn að  koma  henni  í  viðundandi  horf  að  utan.. 

Leyfum  börnunum að  njóta  sín   og  skapa  eitthvað,  hættum að mata þau á  öllum hlutum og  rífum ekki niður  kastalana  sem þau byggja  sér..

Hafið  það eins og þið viljið og  já  til hamingju  með  This is my  life  sem komst áfram,  boost fyrir  þjóðarstoltið.

Magnús G. 

Frábær leikur hjá Blikum í gærkvöldi

þegar  þeir  unnu  KR  2-1  í  Vesturbænum..   Munurinn á  liðunum  var  mikill í  gær  og  Blikar  miklu  grimmari  á  flestum  sviðum og  fóru  þess  vegna  heim með  3  stig.  

Nú  er  bara að  halda þetta út  BLIKAR   

ÁFRAM BREIÐABLIK

 

Hafið það  svo  eins og þið  viljið 

Magnús  G. 

Heiðarleiki er dyggð

Mikið  hefur verið  rætt um heiðarleika  að  undanförnu  og  ekki hvað  síst  í  kringum  borgarstjórn  Reykjavíkur og  borgarstjórann, ekki  ætla  ég  borgarstjóranum  neitt annað  en  að  hann sé  heiðarlegur og  ærlegur maður  en  afhverju  þarf  alltaf  að  vera  að taka  það  sérstaklega  fram að  hann sé  það ?   Mig  langar að  minna  á  eftirfarandi  sem  ég  afritaði  af  vefsíðu  Grunnskóla  Vestmannaeyja.  

 Heiðarleiki er dyggð

Allir virða heiðarlegan mann. (William Hazlitt rithöfundur)

Heiðarlegur maður er göfugasta verk Guðs. (Robert Burns ljóðskáld)

Enginn arfur er jafn verðmætur og heiðarleikinn. (Schakespear)

Heiðarlegur maður kennir ekki öðrum um mistök sín.

Heiðarleiki og áræðanleiki eru tvær hliðar á sama máli.

Vertu heiðarlegur við aðra og þeir verða heiðarlegir við þig.

Sannleikurinn er sagna bestur.

 

Verum  heiðarleg  hvert  við  annað  það  gerir  lífið  svo  miklu einfaldara.

Hafið það  eins og  þið  viljið 

Magnús G. 

 

Alli Jóns

var  hann alltaf  kallaður  í mínu  ungdæmi.   Alli  ríki  á  Eskifirði  var borinn til  grafar í  dag  í  sínum  heimabæ  Eskifirði.   Ég  minnist  Alla  á  þessum tímamótum  fyrst og  fremst  fyrir  að  hafa verið góður vinur  föður míns  til  margra  ára  og  ég  minnist  þess  hversu  indæll  og góður  hann var  alltaf  við  mig,  smágutta  sem  kom  stundum heim  til hans  á  Eskifjörð.   Við  áttum  líka  mörg  ógleymanleg  samtöl  þegar  ég  vann í  Loðnunefndinni  sálugu,  hann  hringdi  oft  í  mig  snemma á sunnudagsmorgunum  og  samtölin voru  oft  löng  og  hann sagði  mér sögur úr  sjávarútveginum.   

Það  er  ljóst  að  Alli  gerði mikið fyrir Eskifjörð  og  arfleifð  hans  er  mikil  ekki  bara fyrir  Eskifjörð  og  Austurland,  heldur fyrir Ísland  allt  og  hann var  mörgum innblástur  til  athafna.. 

Ég  votta aðstandendum  Aðalsteins  samúð  mína  og  bið  Guð að  blessa minningu þessa  góða manns.

Hvíl  í  friði

Skrapp á Skagann í dag...

með  Stjána  Eíríks  vini mínum og  sáum  léttleikandi lið  Breiðabliks  spila  Skagamenn  sundur og  saman  en  því  miður  bara jafntefli..   Blíkar  þurfa  að vinna betur úr færunum  en  skoruðu  samt fyrsta  markið  í  sumar.. 

Hinvegar  varð  ég  fyrir  vonbrigðum  með  Valsmenn  sem  voru  leiknir grátt í  Keflavík.  Þið  verðið   að  taka  ykkur  saman  í  andlitinu Valsarar,  þið getið  miklu  meira en þetta.. 

Hafið  það  eins og  þið  viljið um Hvítasunnuhelgina.

Magnús G.