Dagurinn byrjar vel..

Ég  var búinn  að  skrifa  þessa líka fínu bloggfærsluna  hér  áðan en þá  skall á frost í  tölvunni og ég nenni ekki að endurtaka allt sem ég sagði en;

Íslendingar lögðu Pólverja  í  landsleik í handbolta  á  sannfærandi hátt,  frábært og  komnir í  udanúrslit  og spila við Spánverja,  ég hef góða tilfinningu fyrir þeim leik,  við vinnum þá...

Ég fór á Esjuna eftir leikinn í  dásamlegu veðri, í fínum félagsskap og hitti skemmtilegt fólk. 

Ég  fer á  landsleikinn á  Laugardalsvellinum  á  eftir með  strákunum mínum og  hlakka  til  að vera með þeim og sjá Íslenska landsliðið  spila  við  Azera.

Flottur dagur hingað til  og  ekki vafa um að  framhaldið verður gott..

Hafið það eins og þið viljið

Magnús G. 

Það munaði svo litlu ..

að ég ætti íslandsmeistara í  dag,  eitt  stangarskot  í  venjulegum leiktíma sem hefði  lent  í  netinu hefði  orðið  til þess að  Breiðablik hefði  orðið Íslandsmeistari  í  6. flokki  A 1   í  gær.  Þeirra örlög voru  hinsvegar  önnur  leikurinn fór  í  framlengingu   og  FH  ingar unnu framlenginguna  verðskuldað  og  eru  Íslandsmeistarar  og  ég  óska  þeim  svo  sannarlega  til hamingju með  það.

Okkar  drengir  munu örugglega koma  öðruvísi  stemmdir  til næsta móts  og  þeir  eru  ekki mikið  fyrir það að tapa  leikjum  og  það  er  þeim ansi  erfitt  og  það  er  nú  stundum bara  grátið  af vonbrigðum...  eins og í  gær á Fjölnisvellinum..    En  strákar  mínir  allir,  mig  langar  að  þakka  ykkur fyrir þetta frábæra  sumar  þar sem ég hef  fengið tækifæri til að vera með ykkur á  æfingum, á mótum og  fá ykkur í  heimsókn hingað  til okkar Hákons í  Ásakórinn.   Þið  eruð  frábær  hópur og  það  er  gefandi  að fá að  fylgjast með  ykkur  og  vera  með ykkur.   Ykkar  tími  kemur aftur, haldið hópinn og  vinskapinn  sem er  svo  einkennandi fyrir  ykkur.   Ég  vil  líka  þakka þjálfurunum  fyrir  þeirra störf í  sumar, þeir hafa  stundum verið undir gagnrýni  eins og allir  þjálfarar  eiga að  vera,  stundum hefur  gagnrýnin  verið  sanngjörn og  stundum ekki.   Kristján og  Sölvi  ég  er  ykkur þakklátur  fyrir  ykkar  störf  í  sumar og  sonur  minn hann Hákon Örn  hefur alltaf talað  vel um þjáfarana  sína  og fyrir mig er  það  mikils  virði..

Nú  tekur veturinn við og æfingatímabil  með  æfingamótum,  ég veit að þessir  frábæru drengir  eiga  eftir fá  mitt fótboltahjarta til að slá  örar  oft  á komandi árum og það  veit guð  að ég hlakka  mikið  til  að  reyna svolítið á pumpuna. 

Langar að  setja  inn tvær myndir  frá gærdeginum sem lýsa  pínulítið stemmningunni og það má kannski sjá  tár á  vanga er vel er skoðað.

Áfram Breiðablik  þið eruð  lang  lang bestir  og  það er það sem skiptir mig  máli..

Takk fyrir sumarið í  boltanum kæru vinir..

Magnús  G.. 

Liðið  að leik loknum...

 

Það er gott að eiga góða mömmu á erfiðum stundum 

Dagurinn byrjar vel...

Hákon og félagar hans í  Breiðablik  eru komnir í  úrslitaleikinn í  Íslandsmótinu  og  verður hann spilaður kl. 1600 í  dag  á  Fjölnisvelli  í  Grafarvogi..   Hákon Örn  kallaði  fram  ansi mikið  stolt  hjá föðurnum  í morgun í  leiknum gegn Haukum sem vannst  5-1  og  setti  Hákon  3  stórglæsileg mörk  í  leiknum og  enda  fann  hann  sig  vel  og  var  vel stemmdur,   eins og allir  strákarnir.  

Leikurinn í  dag  verður  erfiður  við  FH  sem er með  mjög  gott og vel skipulagt  lið. 

Áfram  Breiðablik 

 

Hafið  það eins og þið viljið á  þessum fallega sunnudegi..

Magnús G. 

Flottur dagur í dag..

Við  gerðum jafntefli  við  Dani á  Olympíuleikunum sem  er auðvitað  stórkostlegur árangur,  þessir  baunar eru  nú  einu sinni  evrópumeistarar í  handbolta  og  þessi árangur  Strákanna  er  auðvitað  bara frábær, komnir  í  8 liða  úrslit  á  Ol  er  náttúrulega ótrúlegur árangur  fyrir  þessa smáþjóð  og  við  eigum að  vera að  rifna úr stolti   ég er  það  allavega. 

Snorri Steinn er búinn að vera  frábær  í  þeim leikjum sem ég hef séð 

 

Svo  var Hákon minn líka að  keppa  á  Íslandsmótinu í  dag á Fjölnisvelli og liðinu hans  gekk  frábærlega vel,  gerðum  Jafntefli við Keflavík,  (var nú eiginlega slys) þeir  skoruðu  2 mörk á  40 sek  rétt  fyrir  leikslok  og  svo  unnu þeir  Álftanes  9-0  og  eiga  leik  við  Hauka  í  fyrrmálið  kl.  1040  og ef  sá leikur  vinnst  þá  eru þeir  komnir í  úrslit og spila  til úrslita seinnipartinn á  morgun og  eiga  ágæta  möguleika  á  því að verða Íslandsmeistarar  á  sínu svæði,  þ.e.a.s.  Reykjanes svæðið  og hann verður þá  allavega yngsti  Íslandsmeistarinn í  fjölskyldunni  okkar  litlu  og  það  yrði náttúrulega bara frábært....  set  inn frétt á  morgun um þetta ...

 Hafið það eins og þið viljið 

Magnús G. 

Viðhorf er ekki mikilvægt, það skiptir öllu máli..

er  auðvitað  alltaf að sannast  og  krækjan  sem ég  set  inn hér fyrir  neðan  er  svo  stórkostlegur vitnisburður  um  viðhorf og  metnað.    Njótið  þessara frábæru skilaboða..

Hafið það eins og  þið viljið.

Magnús G. 

 

 

http://www.youtube.com/watch?v=Hq3rOMnLGBk

Var vakinn

hastarlega til umhugsunar  með  frábærum  tölvupóti sem ég fékk frá kærum vini í  dag.  Afhverju  eru  erum við  að  einblína  á  það sem við höfum  ekki  og  getum kannski aldrei  fengið  og  setjum alla  orkuna  í það  í  stað  þess að  setjast niður og  segja við okkur sjálf;   Hey  hvað  er að  þér,   notaðu  það sem þú  hefur og  einbeittu  þér að  því að  gera  sem mest úr því.    Ef  við  eigum okkur drauma,  notum þá  það sem við höfum  til að ná  þeim,  við náum þeim  aldrei með  tækjum og  tólum sem við  ráðum  ekki yfir. 

Mig  langar  að  setja  inn myndband  sem lýsir  þessu  svo  fallega,  notum það  sem höfum  ekki  einblína á  það  sem okkur vantar.. 

 

Hafðið  það eins og þið viljið um helgina..

Magnús G. 

 It’s Not What You Are That Holds You Back - Part Three - 2008-08-14 17:35:06-04
As Tony Melendez so beautifully proves in this video, it's not what you don't have that counts. It's how you use what you do have.

Merkilegur dagur í dag...

Við  þ.e.a.s.  strákarnir okkar  rétt töpuðu  í  morgun fyrir S-Kóreu  í  Peking, en sýndu  fádæma  karater  að koma svona vel til baka þegar þeir voru komnir  að  ég held  5 undir á  tímabili.   Spennandi og  skemmtilegur leikur  og hressandi í  morgunsárið..  Ég  fór  út  að hjóla  strax eftir leikinn og lagði  eina  30 km að velli  fyrir  kl.  10 í morgun og  er  þar með kominn með  um 250 km á einni viku og  2  kg.  léttari  en fyrir  viku - frábært það..   svo  fór  dagurinn í  að  sinna  Hákoni  mínum og  koma honum á  æfingar í fótbolta  og borðtennis..   Við  feðgarnir  allir  fórum svo á  Laugardalsvöllinn og sáum  Fimleikafélagið  standa  í  stóra liðinu í  Birmingham  Aston Villa.   FH ingar  áttu að  setja a.m.k.  2 mörk í viðbót með smá heppni.   Gaman að  fá tækifæri  til  að  halda með  nágrannabæjarfélagsliðinu  svona einu sinni og  það gerði ég svo sannarlega af öllu hjarta,  enda  Hafnarfjörður mér kærari  þessa dagana en áður.    Ég  skrapp  svo á skemmtilegan fund í kvöld  með  frábæru fólki  þar  sem  umræðuefnið  var  eingöngu  jákvætt  og  uppbyggjandi.. 

Nýr  meirihluti  í  Reykjavík  sá fjórði  á  rúmum  2 árum,  ótrúlegt  brölt  á  þessu blessaða fólki  og  reyndar  tel ég nú  að  sjálfstæðismenn í  borgarstjórn  beri  fullkomna  ábyrgð  á  þessari  endaleysu  allri  saman..  Þeir  áttu aldrei að  setja samstarfið  við Framsóknarflokkinn  í  uppnám á sínum tíma og  hafa  nú  séð  að  sér.  Ég  vænti  góðs af  Hönnu Birnu  sem borgarstjóra,  held hún  hafi  margt til að bera,  mætti  kannski mildast aðeins, mér  finnst  hún  oft eins og  hún sé  að bryðja  grjót  og  það er  ekkert mjög  spennandi.   Ég held  það  færi  henni  betur að  mildast  aðeins  því  ég held að hún sé eldklár og  mikill  pólitíkus..  Ég  á reyndar eftir að  sakna Gísla  Marteins,  sem ég held  að  sé mikil  prýðismaður með  góða  framtíð í pólitík,  þrátt fyrir  smávægilega mistök  með  BA  prófið á sínum tíma. 

En ég veit  nú  ekki afhverju ég er að röfla þetta um Reykjavík og að koma  frá því að styðja  FH  í  fótbolta,  ég sem hef aldrei  búið annarsstaðar á Stórkópavogssvæðinu,  en í  Kópavogi  og  eins og  allir  vita  þá   "ER GOTT AÐ BÚA  Í KÓPAVOGI"  og  við  erum nú ekki mikið að  hræra í  bæjarstjórnarmeirihlutanum hér enda  búinn að vera sá sami  í  18  eða 180 ár eða guð má vita hvað lengi...

Helgin  leggst  rosalega vel í mig og  vonandi  ná  Hákon og félagar að landa Íslandsmeistartitili  í  6. flokki  um helgina,   auðvitað  klára þeir þetta  strákarnir ..

Hafið það eins og  þið viljið 

Magnús G   

Ég hef verið að velta fyrir mér undanfarna daga..

virðingu og  virðingarleysi.   Ég  hef  upplifað  hvort tveggja  ansi  sterkt  síðustu daga  og  vikur  og  ég verð  að  segja  að  þetta  skiptir  mig  og  örugglega  alla  gríðarlega  miklu  máli.    Ef  mér  er  sýnt  virðingarleysi,  sem  alltaf  hlýtur að vera  óverðskuldað,  annars hefur maður kallað yfir sig  einhverja  framkomu sem maður á skilið,  þá  sárnar  mér  mjög mikið  og ég  þarf að   berjast  við  miður góðar  hugsanir  um  þann sem sýnir mér virðingarleysi.  Stundum langar mig til  að þjóna lundinni og  sleppa mér og  segja  það  sem ég hugsa en ég veit að þá myndi ég örugglega ganga of langt og  þegar ég  áttaði mig á því, þá  væri það of seint ..  Því að  þegar þú veist að þú hefur gengið of langt, þá  er það of seint.   Ég  held að  eina  ráðið  sem til er við  virðingarleysi  sé að sýna  fólki  eftir sem áður virðingu  og  hafa  þannig bætandi áhrif  á  umhverfi  sitt,  hægara  sagt  en  gjört,  en maður verður að reyna.    Ég  hef  upplifað  mikið  virðingarleysi undanfarnar  vikur og það hefur tekið  ótrúlega  á  að hemja lundina...  

Ég  er  líka svo  lánssamur að  eiga  í  samskiptum við fólk  sem er mér  kært  og  ég  ber  takmarkalausa virðingu fyrir  og  það  er  eiginlega betri  tilfinning  og  vegur eiginlega  upp  þessa slæmu að  fá  tækifæri til að  bera virðingu fyrir  einstaklingi og það er  ótrúlega  gott  og  gefandi  að  fá  tækifæri  til  að  sýna  viðkomandi einstaklingi  að  þú  berir  virðingu fyrir honum.    Það  sem maður uppsker  að launum fyrir  það að sýna  öðrum virðingu er  virðing og  tilfinningin  sem  maður fær þegar einhver  sýnir manni  virðingu er  stórkostleg.

Köllum yfir okkur virðingu með þvi  að sýna öðrum virðingu..

Hafið það eins og þið viljið

Magnús G.

P.S.  Skelli hér inn vefslóð um  sjálfræði, virðingu og  samskipti..

http://netla.khi.is/greinar/2006/003/index.htm

 

Strákarnir okkar

gerðu  mig stoltan af  því  að vera Íslendingur í  dag  með  þessum  frábæra  og  sannfærandi  sigri á Þjóðverjum,   ég  veit   ekki  afhverju  en  mér finnst  alltaf  sætara  að vinna  þá  og  Svía  heldur en  aðra.   Til  hamingju  Landsliðsstrákar  allir,  því  á  svona  dögum  verður  allt að ganga upp,  liðið  þjálfararnir og  annað  aðstoðarfólk. 

Í dag  fékk ég  tækifæri  til að vera  stoltur  Íslendingur  og  er  landsliðinu í Handbolta  þakklátur fyrir það ..

Hafið  það eins og þið  viljið  á Ólympíuleikunum ..

Magnús G. 

Verð að minnast aðeins á...

hversu frábær aðstaða  er  að  verða  allsstaðar á  StórKópavogssvæðinu  til  útvistar, hvort sem eru  gönguferðir  í  þéttbýli eða  í  náttúrunni  og  eða  til  hjólaferða  sem hafa nú verið mér  kærar  lengi  vel   og  nú  vaxandi.    Ég  hef  fengið  tækifæri undanfarnar  vikur til að nýta  þessi  frábæru  mannvirki öllsömul,  göngustígana,  flyover  brýrnar  og  síðast  en ekkí  síst  bekkina  sem eru svo  víða og bíða þess að  maður hvíli  lúin bein.  Stundum er  maður  heppinn  þegar  maður sest  niður á  bekk  og  einhver  sest hjá  manni  og  byrjar að  spjalla  um   sameiginlegt  áhugamál, eins og útivist og  hreyfingu.    Ég  var  heppinn  einn júlídag um daginn,  þegar  að   bekknum mínum á Ægisíðunni  kom  kona á  hvítum hjólhesti  og  settist niður  til að hvíla lúin bein.   Við  tókum spjall saman og  erum enn að  spjalla  og  það er  komið fram í ágúst.  

Ég  mæli  með  því  að  að  þið  notið  þessi útivistarmannvirki,  það  er  aldrei að vita nema  þið verðið  heppin,  kannski  ekki jafnheppin og  ég  en  heppin  samt..

Hafið það eins og þið viljið á göngustígunum..

Magnús G.