Stór dagur í dag

hjá  einkadóttur  okkar.    Sigrún Ásta  útskrifast  í  dag  sem  Student frá  Menntaskólanum í  Kópavogi  og  í  kvöld  verður  partý  í  Ásakórnum til að  halda uppá  áfangann.    Það er  mjög  góð  tilfinning  þegar  börnin  manns  gera  mann  stoltan og  það  er  ég  vissulega í  dag,  vonandi  get  ég  endurgoldið  það í  sama,  þ.e.a.s. að  börnin  verði  stolt af  foreldrinu.

Til  hamingju með  daginn þinn  elsku  Sigrún mín

 

Hafið  það  svo  bara  eins og  þið  viljið  um  þessa  miklu júrovísíon  helgi..

Magnús G.

Það má ekkert lengur..

Í  morgun  var  kastalinn  rifinn.   Ég  er  búinn að búa  hér  í Ásakór  síðan í janúar  s.l.  og  þegar  ég  flutti hingað  tók ég eftir  litlum  kofa  sem stóð  hér  sunnan við húsið og  hann var  það  vel byggður  að hann stóð af sér öll  hvassviðrin  í  vetur  og  vakti  það  oft  undrun mína.  Undanfarnar  vikur  eru  búnir að vera  nokkrir  krakkar  úr  hverfinu  að  bæta  við kofann  hæðum og  herbergjum   og  var  þetta  orðið að fínasta  kastala  og  búið að leggja  mikli rækt  og  vinnu í  bygginguna.   Ég  fylgdist  með  byggingunni stækka  dag frá  degi  og  oft  virtu krakkarnir  kastalann  fyrir sér  og  voru  stolt af  verkinu,  það  skein úr augunum.  Kannski  hefur  einhver  kvartað,  hvað veit  maður,   fólk  kvartar  yfir öllum andsk.  nú  til dags. 

En í  morgun  uppúr  kl.  0800  kom  trukkur  á  vegum  bæjarins  með  stóran  krabba   og  margra  vikna  vinna  brotin  niður  á  nokkrum  augnablikum,  væntanlega þegar krakkarnir  voru í  skólanum og  áttu sé  einskis  ills von.   Ég  vona  að  bærinn sýni  eigendum  blokkarinnar,  sem  er  vægast  sagt lítið augnayndi,  og  stendur  við  hlið  kastalans  sáluga  sömu hörku  ef  það  dregst  á langinn að  koma  henni  í  viðundandi  horf  að  utan.. 

Leyfum  börnunum að  njóta  sín   og  skapa  eitthvað,  hættum að mata þau á  öllum hlutum og  rífum ekki niður  kastalana  sem þau byggja  sér..

Hafið  það eins og þið viljið og  já  til hamingju  með  This is my  life  sem komst áfram,  boost fyrir  þjóðarstoltið.

Magnús G. 

Frábær leikur hjá Blikum í gærkvöldi

þegar  þeir  unnu  KR  2-1  í  Vesturbænum..   Munurinn á  liðunum  var  mikill í  gær  og  Blikar  miklu  grimmari  á  flestum  sviðum og  fóru  þess  vegna  heim með  3  stig.  

Nú  er  bara að  halda þetta út  BLIKAR   

ÁFRAM BREIÐABLIK

 

Hafið það  svo  eins og þið  viljið 

Magnús  G. 

Heiðarleiki er dyggð

Mikið  hefur verið  rætt um heiðarleika  að  undanförnu  og  ekki hvað  síst  í  kringum  borgarstjórn  Reykjavíkur og  borgarstjórann, ekki  ætla  ég  borgarstjóranum  neitt annað  en  að  hann sé  heiðarlegur og  ærlegur maður  en  afhverju  þarf  alltaf  að  vera  að taka  það  sérstaklega  fram að  hann sé  það ?   Mig  langar að  minna  á  eftirfarandi  sem  ég  afritaði  af  vefsíðu  Grunnskóla  Vestmannaeyja.  

 Heiðarleiki er dyggð

Allir virða heiðarlegan mann. (William Hazlitt rithöfundur)

Heiðarlegur maður er göfugasta verk Guðs. (Robert Burns ljóðskáld)

Enginn arfur er jafn verðmætur og heiðarleikinn. (Schakespear)

Heiðarlegur maður kennir ekki öðrum um mistök sín.

Heiðarleiki og áræðanleiki eru tvær hliðar á sama máli.

Vertu heiðarlegur við aðra og þeir verða heiðarlegir við þig.

Sannleikurinn er sagna bestur.

 

Verum  heiðarleg  hvert  við  annað  það  gerir  lífið  svo  miklu einfaldara.

Hafið það  eins og  þið  viljið 

Magnús G. 

 

Alli Jóns

var  hann alltaf  kallaður  í mínu  ungdæmi.   Alli  ríki  á  Eskifirði  var borinn til  grafar í  dag  í  sínum  heimabæ  Eskifirði.   Ég  minnist  Alla  á  þessum tímamótum  fyrst og  fremst  fyrir  að  hafa verið góður vinur  föður míns  til  margra  ára  og  ég  minnist  þess  hversu  indæll  og góður  hann var  alltaf  við  mig,  smágutta  sem  kom  stundum heim  til hans  á  Eskifjörð.   Við  áttum  líka  mörg  ógleymanleg  samtöl  þegar  ég  vann í  Loðnunefndinni  sálugu,  hann  hringdi  oft  í  mig  snemma á sunnudagsmorgunum  og  samtölin voru  oft  löng  og  hann sagði  mér sögur úr  sjávarútveginum.   

Það  er  ljóst  að  Alli  gerði mikið fyrir Eskifjörð  og  arfleifð  hans  er  mikil  ekki  bara fyrir  Eskifjörð  og  Austurland,  heldur fyrir Ísland  allt  og  hann var  mörgum innblástur  til  athafna.. 

Ég  votta aðstandendum  Aðalsteins  samúð  mína  og  bið  Guð að  blessa minningu þessa  góða manns.

Hvíl  í  friði

Skrapp á Skagann í dag...

með  Stjána  Eíríks  vini mínum og  sáum  léttleikandi lið  Breiðabliks  spila  Skagamenn  sundur og  saman  en  því  miður  bara jafntefli..   Blíkar  þurfa  að vinna betur úr færunum  en  skoruðu  samt fyrsta  markið  í  sumar.. 

Hinvegar  varð  ég  fyrir  vonbrigðum  með  Valsmenn  sem  voru  leiknir grátt í  Keflavík.  Þið  verðið   að  taka  ykkur  saman  í  andlitinu Valsarar,  þið getið  miklu  meira en þetta.. 

Hafið  það  eins og  þið  viljið um Hvítasunnuhelgina.

Magnús G. 

 

12000 heimsóknir á síðuna mína...

Ótrúlegt  en  satt  að nú eru 11998  búnir  að koma á síðuna  mína frá upphafi..  takk  fyrir allar  heimsóknirnar.    Á  morgun  ætla  ég uppá  skaga og horfa  á  mína menn  í  Breiðablik  sigra  Skagann  í  fyrsta leik   áfram  Breiðablik...

Hafið  það  eins og  þið  viljið um helgina..

 Magnús G. 

 

Vorið er yndislegt..

Nýtti  mér  góða  veðrið  í  gær  og  skellti mér  á  Esjuna.   Stórkostlegt  veður  og  magnað  að  sjá trén  vera að byrja  að blómgast og  finna  lyktina  af  vorinu.   Ótrúleg  hvað  Stór- Kópavogssvæðið  er  orðið  víðfemt  og  eins og  yfir  stórborg  að  líta.

Frábær  dagur  í  gær.

Hafið  það  eins og þið  viljið

Magnús G.

Frábært  útsýnið  af Esjunni  í  gær.   Algert  logn  og  13 ° C  hiti 

Hvað skal segja..???

Það  er eiginlega ótrúlegt  hvað  það  er erfitt að koma  sér af  stað  aftur  þegar maður  hefur  ekkert  bloggað í langan tíma..  Síðasta  bloggið  mitt  var í Brussels  einhverntíma í  Apríl  og  það  hefur  verið  hrikalega  mikið  að  gera  síðan  ég kom  heim, sem skýrir bloggleysið.  

Mér  finnst  "kreppan"  vera  að skella á okkur  með auknum þunga  þessa dagana,  fólk  talar  miklu meira um kreppu  nú  en  fyrir  2-3 mánuðum  og  lausfjárskorturinn  er  farinn að  bíta í  víða  og  má  sjá  það  á  uppsögnum í  fyrirtækjum og  margvíslegum öðrum samdráttaraðgerðum.  Ég  óttast að við munum  þurfa  að  taka  á  okkur töluverðar  byrðar á næstu  mánuðum og þegar  ég segi við  á ég við  fólkið í landinu,  því  það  eru einfaldlega engir aðrir til, til að taka á sig byrðarnar.   Sveitarfélögin  eru  flest  í  vandræðum með  sínar skuldbindingar og  geta ekki bætt á sig,    ríkisstjórnin  er að greina vandann og  eyðir  í  hjáverkum  12 - 15 milljörðum í  nýtt Varðskip, nýja gæsluflugvél og  þyrlur,  afhverju akkurat núna  á  sama tíma og ríkisstjórnin  hvetur  fólk til að spara meira, en  átta sig  ekki á því að  fólk  á  ekkert til að spara.  Ég  hef  ekkert á  móti  öflugri  landhelgisgæslu enda fyrrverandi starfsmaður gæslunnar,  en tímasetningarnar  eru ótrúlega óheppilegar.  Sparnaðurinn hjá  flestum  liggur í eigin húsnæði  og  menn rembast  þessa  dagana  við  að  verðfella og þurrka upp  sparnaðinn hjá  fólkinu í landinu og koma sem flestum á kaldan klaka fjárhagslega.   Það  er  eitthvað  sem  ekki gengur upp  í  þessu öllu saman,  allavega  eru stjórnvöld  ekkert sérstaklega  trúverðug  þessa dagana  og  þetta  virkar  allt  eitthvað svo  losaralegt.   Ég  bara verð  að minnast aðeins á  Reykjavík og  borgarstjórnina  og  borgarstjórann.  Hvað  eru menn  eiginlega tilbúnir til að  leggjast lágt til að vera í meirihluta í borgarstjórn Reykjavíkur,  ég  bý  sem betur fer  í Kópavogi  en  það  er  nátturulega bara pínlegt  að  fylgjast með þessum farsa.  

Læt þetta  duga, hafið  það eins og þið  viljið 

Magnus G   

BRÖSSEL

Ég var  búinn að  skrifa  frábæran  pistil um  veru  mína hér  í  Brössel síðustu  daga.   Á  einhver  óskiljanlegan  hátt  klúðraði  ég  færslunni,  kannski  sem  betur fer  hún var  ansi  pólitísk.  Nenni ekki að  skrifa þetta  allt aftur.. 

Gleðilegt  sumar,  takk  fyrir veturinn  og..

Hafið það  eins og  þið  viljið  í  sumar......

Magnús G