Hjólað heim.....

Dagur 1.

Kominn á  Djúpavog  eftir  fyrsta  legg á  leiðinni  heim.  Það  gekk  ljómandi  vel í  dag,  lagði í hann kl.  1150 frá  Búðum  í  Fáskrúðsfirði  og  fór  á  Stöðvarfjörð  í  einni  lotu.  Hvíldi í  korter  og  hélt svo  áfram  sem leið lá  um Breiðdalinn og  suður í  Berufjörð..  100  km  lágu  í  dag  og  engin óhöpp eða óvæntar uppákomur  á leiðinni..  Náttúran  skartar sínu  fegursta og  maður  sér  náttúruna,  gróðurinn, lækina, fossana, fuglana  og  fegurð og mikilleik  fjallanna.   Fínn  dagur  að  kveldi kominn  og  ég  fer  að leggjast  til hvílu í litla  Gula tjaldinu mínu  sem  rúmar  mig  og  mig .. 

Dagur 2.

Fór af  stað  um 10 leytið  og hjólaði sem leið  lá  yfir á Höfn og  kom þangað  um  2130  107  km  á  mæli,  veður  gott en  smá  vindur á köflum sem tafði mig  um eina 2  tíma.  Gist á tjaldsvæðinu á Höfn í  flottu  veðri..  Enn  í  nokkuð  góðu  formi  en  smá  doði í  vinstri hendinni  eftir  daginn..

Dagur 3.

Fór  frá  Höfn  um  11 leytið og  hjólaði í  vesturátt  án  þess að  hafa  ákveðinn  næturstað  í  huga,  endaði  á  Hótel Freysnesi  um   0030  eftir  135  km  vegalengd og  helvíti  var  gott að  taka bara  herbergi  í  nótt   enda  rigning  þegar ég  kom  þangað  og  ég  hefði  örugglega  ekki getað  tjaldað  vegna  doða  í  vinstri  hendinni  sem  hefur  aukist nokkuð  mikið..  Ég  var  heppinn  í  gær  að  að  vera  hreinlega  ekki drepinn,  fékk  bíl á  móti mér  rétt vestan  við  Smyrlabjörg  og  hann stefndi  bara  beint  á  mig  og  ég  alveg úti í  kanti mín megin.  Ég  held að bílsstjórinn hljóti að hafa sofnað  eða  verið í annarlegu ástandi,  þetta  er  það  svartasta  sem ég hef  séð  á  öllum þessu hjólaferðum mínum  og  ég var  ansi lengi að jafna mig  á  þessari  uppákomu.  Annars  hef  ég það  fínt  að  öðru leyti en  höndin  ergir  mig  mikið,  á mjög  erfitt með  að  t.d.  skrifa  vegna  doða í  2  fingrum og  smá stjórnleysi  á  höndinni,  sennilega  klemmt  taug,  sem  jafnar  sig  aftur .

Fróður  maður  sagði  mér að ég væri hálfnaður  til  Reykjavíkur  frá  Fáskrúðsfirði hér  í  Freysnesi

Ég ætla  að leggja í hann um 12  leytið  og  fara vonandi  á Klaustur  í næsta  legg.

 

Hafið  það  eins og þið  viljið  

Magnús G  í  Freysnesi 

 

Kominn í fjörðinn fagra, Fáskrúðsfjörð..

Kom  hingað í kvöld,  allt  klárt  til  brottfarar,  vagninn  kominn aftaní  hjólið  og  veðurspáin eins góð og  hugsast  getur  og  ég  klár  í  málið.    Það  verður  mér  sérstakalega  ljúft  að  fara  fyrsta spölinn  yfir á  Stöðvarfjörð  og  koma þangað  á  afmælisdegi  föður míns  heitins  sem  er  í  dag,  þ.  13. júní  og hefði hann orðið  79 ára  gamall ef  hann hefði  lifað til dagsins  í  dag.  Ég  fékk  þennan  fína  rúnt  í  kvöld með  mági mínum  honum Jóa Veigu  og  ryfjuðum við upp  hver  bjó  í hvaða  húsi  hér  áður fyrr og  hver  býr  þar  nú..   Alltaf  jafngaman  að  sjá  hvað  umgengnin  er  góð  í  kringum  starfsstöðvar  Kaupfélagsins  hér  á  staðnum.   Vonandi  halda  Fáskrúðsfirðingar sem allra  lengst í  Kaupfélagið  sitt  sem  er búin að vera  undirstaða  þessa  byggðarlags  í  75 ár  nú  í  ágúst n.k.  til  hamingju með  það.  

Hlakka til að  leggja í  ann og  stefni á  Djúpavog  í  það  minnsta  á  fyrsta  legg,  vonandi  aðeins  lengra..

Hafið það eins og þið viljið  um helgina 

Magnús á  Strönd 

Þessi var  tekin í  fyrra með  Árbæ, æskuheimili  föður míns  í  bakgrunni.

 

Er að leggja í ann...

austur á  Fáskrúðsfjörð  í  dag.   Ég  ætla  að  heimsækja  æskustöðvarnar  enn einu sinni  og  í  þetta  sinn  ætla  ég  að  hjóla  heim.   Ég  fer  með  Flugi austur í  kvöld  og  farangurinn er  hjólið mitt góða,  aftanívagninn  og  allt  sem  ég þarf  til  næstu  5-6  daga  svo sem  tjald, svefnpoka  næringu  ofl.  Veðurspáin  er  flott,  hægviðri og  þurrt  og  ef  hún  rætist  þá  verður það  yndælt.

Hafið  það eins og þið viljið  í  góða veðrinu..

Magnús G.

Skelli inn  mynd  úr fyrri hjóaferðum.

 

Hjólað í blíðunni, Hellisheiðarvirkjun og fl.......

Ég  hef  aðeins  verið að testa  hjólið  mitt undanfarna  daga  og  fór eina  þokkalega  ferð  í  gær.   Hjólaði uppí  Hellisheiðarvirkjun og  fékk  svona  glimrandi veður á leiðinni  og  lenti ekki í  neinum alvarlegum  aðstæðum á  þessari  fjölförnu  leið.   Bílsstjórar  stóru  trukkanna  mega  þó  alveg  láta  flauturnar vera  þegar þeir  nálgast  hjólafólk,  svona flaut  getur  sett  fólk  alveg  úr  jafnvægi  og  orsakað  alvarleg slys.    Ég  fékk  þessar  líka fínu  móttökur  hjá  OR  í  Hellisheiðarvirkjun,  var  boðið  súkkulaði,  kaffi,  vatn og  hvað  eina,   frábærar móttökur.   Ég  fékk líka smá  leiðsögn um  þetta  glæsilega  hús  og  hvað  háhitaorkuver  í  rauninni  er.   Ég  verð  nú að segja að áhugi  minn á  þessari  grein er  miklu  meiri  eftir en áður,  þeir  meira að  segja  skila  vatninu sem þeir nota  ekki  aftur niður í  jörðina  og  það  nýtist svo aftur og aftur,  þvílík verðmæti.

Ég  vil  nú  þakka  sérstaklega  Guðmundi Atla  og  Gulaugu Þórs  fyrir frábæra fræðslu og  móttökur og  þarna  fer  ég aftur og fæ  meiri fræðslu.  Kíkið á  tengilinn hér fyrir  neðan.

http://www.or.is/UmOR/Veiturogveitusvaedi/Virkjanir/Hellisheidarvirkjun/

Um síðustu  helgi  var ég  á  ættarmóti  á  Hörgslandi á Síðu,  ættarmóti  sem litaðist af  mikilli  bleytu  enda rigndi og  rigndi  hrikalega  sem  setti  auðvitað strik í reikninginn og  skemmdi  svolítið  stemmninguna,  en  alltaf  gaman  að  hitta ættingjana og  það  verður bara betra veður  næst. 

Ætla  að  skutla mér út  í góða veðrið,  hafið það eins og þið viljið..

Magnús G.   

Fjallganga á  ættarmóti.

 

Vinir eða viðhlæjendur.....

Það eru ýmsir  mannkostir  sem  mér  eru  hugleiknir  þessa  dagana  eins og  heiðarleiki, áreiðanleiki  og  sannsögli.   Mér  hafa  verið  gefnar  ærnar  ástæður  til að  velta  þessum hlutum fyrir mér undanfarna  daga og  vikur.   

Einnig  hef  ég  velt  fyrir  mér  viðbrögðum fólks  við  sannleikanum  og  raunveruleikanum og  af  þessu  tilefni  langar mig að  skeyta  eftirfarandi  tilvitnum sem ég  rakst á  nýlega  og  vekur  vonandi  einhverja  til  umhugsunar um  raunverulega  vini  og  svo  viðhlæjendur..

 segir í Um vináttuna eftir Marcus Tullius Cicero.

"Það er fáránlegt að mönnum gremjist ekki það sem þeim ætti að gremjast en reiðist aftur á móti að ástæðulausu. Umvöndunin er það sem vekur reiði þeirra en ekki yfirsjónin. Þeir ættu þvert á móti að vera leiðir yfir mistökum sínum og gleðjast yfir að vera sagt til syndanna."

"Það er því við hæfi að vanda um við vini sína og það ber að gera af einurð en án harðneskju. Sá sem vandað er um við verður að taka því með þolinmæði og án þess að reiðast. Aftur á móti er ekkert eins skaðlegt vináttu og skjall, mjúkmælgi og fagurgali. Það má nefna það hvaða nafni sem er, það á ekki annað skilið en vera stimplað sem löstur og einkennir helst hverflynda svikahrappa sem ávallt tala eins og hver vill heyra, hver svo sem sannleikurinn er. Hræsni er ekki aðeins fyrirlitleg í hvívetna af því að hún afbakar sannleikann og hindrar menn í að greina rétt frá röngu heldur er hún vináttunni sérlega skaðleg því að hún eyðir einlægni og án hennar er vinátta einskis virði."

Cicero sem fæddist 106 f. Kr. 

Þessi  orð Cicero  eru  í  fullu gildi  ennþann dag  í  dag  eftir  2114  ár. 

Nú stefni  ég á ættarmót  austur á Síðu  næstu 2 dagana,  það verður  gaman að  hitta ættingja  sem maður hefur suma  ekki séð í  áraraðir,  hlakka  til þessa ættarmóts..

 Hafið  það eins og  þið  viljið um  helgina

Magnús G.

Ísbjarnarblús og aðrir blúsar..

Búinn að  vera í  fríi  í  ca.  viku  núna og hef  rannsakað  heiðar  Kópavogs og  Garðabæjar  á  fæti,  undanfarna  viku.   Frábær  náttúra  í  jaðri  bæjarins og  ekki þarf  að leita  langt til að finna lyktina af  sumrinu.  Hef  notið  þessara frábæru  göngutúra  minna  í  botn með  persónuuppbyggingu í  eyrunum, þannig  að  ég  hef  slegið tvær flugur í einu höggi.  Ég  get  ekki  orða bundist  yfir þessu Ísbjarnarfári  öllu saman  og  hvað  fólk  er  komið  langt  frá  rótum sínum  og  orðið  veruleikafirrt  þegar  náttúran  er annarsvegar.   Fullvaxinn  Ísbjörn  er  ekki  bangsi  sem maður  kaupir  í  Toys a´rus  og  leikur  sér  með,  þetta  er  eitthvert  grimmasta  villidýr  jarðarinnar  og  gerir  það sem gera þarf  til að fá að  borða  og ef  bangsi  er svangur  þá  finnst  honum  mannakjöt  örugglega bara  fínt  og eða  lambakjöt,  nautakjöt,  hrossakjöt  eða  hvaða  kjöt  sem er.   Mér  finnst  umræðan  undanfarna  daga  endurspeglast  af  draumórum  og óskhyggju.   Ísbirnir  eru  veiddir  á Grænlandi  og  það  er heimilt  að versla með  Ísbjarnarafurðir á  milli  landa,  þeir  eru  ekki  flokkaðir  í  meiri  útrýmingarhættu  en  það.   Það  eina  rétta  sem átti að gera  var  að  skjóta  þennan Ísbjörn  og  ég  tek  ofan  fyrir lögreglumanninum og  umhverfisráðherra  sem  tóku  hárrétta ákvörðun  í  málinu og  þá  einu sem  eitthvert vit var í.    

Breiðablik er að ná  áttum,  þeir unnu Fjölni  sannfærandi í  rokinu á  sunnudaginn.   Hlakka  til að sjá  Val og Breiðablik  á sunnudaginn kemur,  þetta eru liðin mín  og  ég  held  með  báðum til að einfalda  málið. 

Ég  fékk  til mín  tvo  efnilega  knattspyrnumenn  í  gærkvöldi  sem   ég  ætla  að hjálpa aðeins  með  næringuna  og  tengja  hana  æfingum og  leikjum.   Ég  er núþegar  að  aðstoða 3  Klassa leikmenn með  næringuna  og  það  verður  gríðarlega  skemmtilegt  að  fylgjast með þeim öllum næstu vikur og mánuði.  

Annars  hef  ég  einbeitt mér  töluvert að áhugamálinu mínu  sem er  heilsusamlegt  líferni  undanfarna  daga  og  það  hefur  gefið  mér mikið.  

Ef  þið  hafið  áhuga á  að  kynnast  betri  líðan,  þá  mun ég  glaður  aðstoða ykkur  við  það  og  kynna fyrir ykkur frábærar  vörur  og  frábært  lífsstílskerfi  Herbalife   www.heilsufrettir.is/sonata

Hafið það  eins og þið  viljið 

Magnús G.

Mynd  af  heiðum Kópavogs  í  vikunni.

 

 

Kominn í frí...

ég  kominn  í  frí  eftir  ansi  strangt  tímabil  undanfarið ár.   Ég  ætla  að  nýta  tímann  framundan  til  að  einbeita  mér  að  sjálfum mér  og  hvíla  mig og rækta  líkama  og sál.   Mínu  verkefni  í  Marokkó  er  lokið,  búið  að  endurskipuleggja  reksturinn  og  framhaldið  er  höndum  nýrra  eigenda  sem  ég  óska alls  hins  besta.  

Næstu  daga  ætla  ég að  njóta  þess að  vakna  þegar  ég er búinn að sofa,  fara út  þegar mig  langar og gera það  sem mig langar til að  gera,  semsagt  vera í fríi.

Hafið það eins og  þið  viljið,  ég ætla  að  gera  það.

Magnús G.

Set  inn  eina  mynd úr  Sahara  eyðimörkinni  sem  er mér nú ansi kær  eftir þennan tíma og  kannski  sérstaklega  fólkið  sem þar  býr og  þarf svo virkilega á  fyrirtækjum  eins og okkar að halda. 

Áfall í gærkvöldi á Kópavogsvelli en .....

við megum  ekki leggja árar í bát.   Þó  að  vörnin hjá  Blikum hafi  verið annarshugar  og  í  öðrum  heimi  í  gærkvöldi  þá  verða þeir  að  læra af  þessu.    Ég  held að  Blikar  hafi  einfaldlega  vanmetið  Grindvíkingana  og  því  fór sem  fór.   Ég  vona  bara  að  þessi  rassskellur  komi  mönnum  niður á  jörðina  og  framhaldið  verði  betra,  því  Breiðabliksliðið  er  feiki  gott þegar  hugarfarið er  í  lagi.

ÁFRAM  BREIÐABLIK 

Hafið það eins og  þið  viljið

Magnús G.

Fín ferð á Selfoss í dag..

 

Breiðablik  A  í  6. flokki  gerði  ágæta ferð á  Faxaflóamótið á Selfossi  í  dag.  Strákarnir  unnu  3  leiki  4-3, 2-1, 6-0  og  gerðu  eitt  1-1  jafntefli.   Liðið  er  alls  ekki nógu vel samstillt  og  langt  frá  því  að  leika  af  þeirri getu  sem  býr í  þessum strákum.  Liðið var  afar  vel  spilandi  á  síðasta  ári  og  eitthvað  hefur gerst í vetur  sem  nú verður  að  laga  og  ná  upp  miklu  betra  spili og  meiri  baráttu sem  einkenndi  alltaf  þessa  stráka.

Þetta var  samt  frábær  árangur  og  drengirnir  stóðu  sig  vel  og  vita að þeir  þurfa bara að fínpússa  þetta núna.    Ég  hlakka til að  fylgjast með þeim  í  sumar og sérstaklega í  Vestmannaeyjum  á  Shell móti  þar sem þeir unnu  C  riðilinn  í  fyrra  en  spila nú  sem  A lið  og  það verður  erfiðara  þetta árið   það  er nokkuð ljóst.

   Hákon tekur aukaspyrnu  í   nýju skónum sem reyndust mjög vel.                

 

Vona  svo  að  Valsmenn  smelli saman í  kvöld  í fyrsta  leik á  sínum heimavelli..

 

Hafið það svo  eins og þið viljið 

 

Magnús G. 

 

Útskrift, myndataka og veisla

i  tilefni af  útskrift  Sigrúnar  sem  fékk þessar líka  fínu einkunnir  á  stúdentsprófinu..  Eftir  útskriftina  fórum við beint í  myndatöku  og  nýttum tækifærið  til   að  taka  myndir  af  okkur  Helgu  með  börnunum  okkar  saman og  sitt í hvoru lagi  og  svo  myndir  af þeim  með  húfurnar sínar,  því  Guðjón  útskrifaðist  í  Desember  s.l.  sem stúdent  frá  MK.  Kl.  1900  var  blásið til veislu  sem  Alfreð  Ómar  Alfreðsson,  forseti  Klúbbs  Matreiðslumeistara,  sá  um  veitingarnar í.  Kærar  þakkir  Alli  fyrir frábæran  mat.  

Engin  veisla  er  betri  en  gestirnir og  þeir  voru  frábærir  í  þessari  veislu og  gerðu  hana  skemmtilega.. 

Það  er  rosalega  gaman að  halda veislur  og  ég held  að maður eigi að gera það  oftar og  ef  það  er  ekki tilefni  þá  á  maður að búa  það til. 

 Hópmynd  úr  veislunni..

 

Á  morgun  leggjum  við  Hákon  land undir  fót og  förum á  Selfoss þar sem hann á  að  keppa  með  Breiðabliki á  Faxaflóamótinu og  það  verður  gaman  að  sjá  hvar  þeir  standa  strákarnir  fyrir átök sumarsins.

Hafið  það eins og þið  viljið  og  já  til hamingju með  Eurobandið sem  gerði bara fína hluti í  kvöld.

Smá  pólitík,  í  hvaða flokk  ætli  Kiddi sleggja  fari nú,  mér  sýndist  Addi Kitta  Gauj  vera  frekar  brúnaþungur  í  sjónvarpinu  í kvöld  og  kæmi mér ekkert á óvart  að  Kiddi  kallinn yrði nú  bara rekinn úr  Frjálslynda flokknum.  

Magnus G.