Hvað óttast Jóhanna og Steingrímur

fólkið sem fékk tækifæri lífs síns til að láta verkin tala.  Jóhanna búin að bíða eftir sínum tíma og Steingrímur búinn að vera í stjórnarandstöðu eins lengi og bara eldra fólk man.   Afhverju í ósköpunum svara þau ekki tilllögum Framsóknarflokksins og Tryggva Þórs  málefnalega og hrekja þetta með sannfærandi rökum.  Hvar eru tillögur þeirra, málin sem voru svo brennandi þegar stjórnin var mynduð, að bjarga heimilinum og atvinnulífinu, hafa bara damlað í algerri óvissu og gera enn.  Þessu fólki hlýtur að verað refsað í kosningunum, ég trúi þjóðinni til þess.  Það er þjóðin sem á í hlut.  Það eru kjósendur sem eiga þessi tugþúsund heimili sem nú eru orðin eignalaus og eru að verða vonlaus líka.   

Þessi þjóð þarf fyrst og fremst tvennt núna,   VON og TRAUST.   Forystumenn þessarar minnihlutastjórnar sýna ekki sterk  merki þess að þeir skilji ástandið í landinu.   Ástandið í veröldinni er tilkomið vegna þess að traustið hvarf og endurnýjunin í prófkjörunum undanfarna daga segir okkur að fólkið í landinu vill nýtt fólk sem það getur treyst, vegna þess að traustið var horfið. 

Að hlusta á forystumenn ríkisstjórnarinnar tala niður til fólks með þeim hætti sem þau hafa gert undanfarna daga, segir meira um þau en þá sem þau tala niður til.   Þessi ríkisstjórn er slöpp og ég hef enga trú á því að hún verði endurnýjuð.

  

Húsráð Tryggva Þórs þykja vond

Ég verð nú bara að segja

eftir að hafa horft á Silfur Egils í dag og melt það þangað til núna að Formaður Framsóknarflokksins talaði af mikilli skynsemi í þættinum.  Hinsvegar varð ég fyrir ótrúlega miklum vonbriðgðum með Árna Pál leiðtoga SF í mínu kjördæmi og í raun fannst mér hálfaumkunarvert að hann skyldi ekki geta bent á eitt einasta atriði eða leið sem væri betri en afskriftarleið Framsóknarflokksins.  Hann nefni þetta blessaða "Eignaumsýslufélag",  er það virkilega hugmynd SF og VG að láta þetta félag yfirtaka húseignir almennings og hvað svo ?.    Ég er sammála Sigmundi Davíð að þessi eignaumsýslufélagshugmynd  er algjörlega galin sem einhver almenn aðgerð.  Auðvitað getur þetta gengið gagnvart nokkrum stórum fyrirtækjum en gagnvart litlum og meðalstórum fyrirtækjum verður að finna farsælli lausn. 

Það er eitt sem þessum blessuðum þingmönnum okkar virðist vera óskyljanlegt að það voru ekki Jón og Gunna sem orsökuðu efnahagshrunið, það voru ekki Jón og Gunna sem gerðu atlögu að Íslensku krónunni.  Það var ekki almenningur í þessu landi sem brást, það voru fyrst og fremst þingmenn þjóðarinnar sem fá laun fyrir að gæta hagsmuna okkar.  Þeir eiga að tryggja að öryggisnetið (ríkið) virki, að eftirlitsstofnanir ríksisins séu starfi sínu vaxnar.  Þetta var fyrst og fremst það sem brást.  Auðvitað hafa menn farið glannalega í froðuframleiðslunni hér undanfarin ár, verðmæti fyrirtækja, aflakvóta, íbúðarhúsnæðis ofl. ofl.  hefur verið skrúfað langt upp fyrir raunvirði og af þessu m.a. súpum við seyðið þessa dagana.  Ég er farinn að halda að sumir þingmenn þjóðarinnar séu ekki enn búnir að gera sér grein fyrir því í hvaða stöðu við erum sem þjóð og að það þarf mjög róttækar og afgerandi aðgerðir til að koma í veg fyrir að hálf þjóðin flytjist úr landi atvinnu og eignalaus. 

 

Bresk stjórnvöld

sjá ýmisleg í öðru ljósi en aðrir, svo sem Íslendinga sem hriðjuverkamenn.   Kannski er bara forsætisráðherrann þeirra sjónskertari en látið hefur verið að liggja.  Það vona ég að bandaríkjamenn pressi svolíið á tjallana...

Ósáttir við Breta

Er þetta virkilega nauðsynlegt

að setja þessa einstöku náttúruperlu, Elliðaárnar sem eru sennilega einu laxveiðilár í heiminum sem liggja í gegnum borgarlandið.  Ég trúi því ekki að það sé slíkur skortur á lóðum undir hesthús að nauðsynlegt sé að setja þessa náttúruperlu í hættu..  Endilega finnið annan stað fyrir hesthúsin..

Mótmæla hesthúsum við Elliðaár

Þvílík uppgötvun

Það hefur ekki verið rætt um annað en erfiða stöðu atvinnulífsins og heimilanna á Íslandi siðustu mánuði og datt einhverjum í  hug að lánasöfn íslensku bankanna væru traust ?  Það er nánast helfrost á íslenskum markaði og ákaflega lítið að gerast í viðskiptalífinu, vextir óviðráðanlegir fyrir alla.  Ég er eiginlega bara hissa á BB að láta hafa þetta eftir sér, ef rétt er eftir honum haft..

 

Lánasafn nýju bankanna afar lélegt

Afhverju

býður Dagur sig ekki fram til formanns sjálfur ?  Ég hélt nú bara satt að segja að Jóhanna myndi hætta þessu þjarki í vor eftir rúmlega 30 ára þingsetu.  Annars er mér alveg sama hver verður formaður SF bæði Jóhanna og Dagur eru ágætis manneskjur og munu sjálfsagt spjara sig vel í formennsku hvort þeirra sem tekur það að sér.

Rökrétt að Jóhanna taki við

Glæsilegt hjá ykkur Blikar

Frábær árangur hjá Blikum að komast í úrslitakeppnina,  gangi ykkur allt í haginn...

Breiðablik í úrslitakeppnina - Þór féll

Þvílík snilld

hjá kvennlandsliðinu,  eru Norðmenn ekki  í 6 sæti heimslistans í kvennaknattspyrnu.  ÁFRAM ÍSLAND..

Glæsilegur sigur Íslendinga á Norðmönnum

Settu þeim stólinn fyrir dyrnar Sigmundur

Það er ekki náttúrulögmál að ríkisstjórnir geri ekki það sem ætlast er til af þeim. 

Fundað um stjórnarsamstarfið

Össur er gleyminn

Hann er kannski bara alvarlega gleyminn.  Framsóknarflokkurinn studdi þessa ríkisstjórn með skilyrðum um að hún nýtti tímann til aðgerða, vegna þess að sú síðasta hrökklaðist frá vegna aðgerðaleysis.  Það er alveg ljóst að Framsóknarflokkurinn studdi ekki þessa ríkisstjórn til að Össur gæti setið áfram sem ráðherra. Ég hef reyndar enga trú á því að hann verði það eftir kosningar, ég held að flestir séu búnir að fá nóg af þessari "krakkapólitík" Össurar.   Komið ykkur að verki og gerið það sem ykkur var veitt umboð til að gera, sem er að bjarga heimilum og atvinnulífi þessa lands.

Sigmundi Davíð boðin sáttahönd