Ef ég heyrði rétt

í Kastljósinu í kvöld, þá sagði Davíð Oddsson,  sem reyndar talaði eins og forsætisráðherra, að búið væri að taka ákvarðanir um að greiða ekki erlendar skuldir Landsbankans og Glitnis en ábyrgjast allar innlendar skuldbindingar þessara banka.  Hvað með Kaupþing ?  eiga þeir bara að róa sinn sjó eða verður sá ágæti banki yfirtekinn í næstu viku ?  og  allar erlendar skuldir hans meðhöndlaðar með sama hætti.  Allt er þetta gert til að aðlaga bankakerfið, sem var náttúrulega alltof stórt fyrir þjóðarbúskapinn, að raunverulegri stærð hagkerfisins.  Það sem mér hugnast best í þessu er sú staðreynd að Ríkið ætli ekki að rembast við eitthvað sem það getur ekki og láta ævintýramennskuna bitna á komandi kynslóðum,  betra að gefast upp strax og játa sig sigraðan.  Ég er alveg sammála DO  um að sigurinn felst í uppgjöfinni og við verðum miklu fljótari að koma okkur á skrið aftur með þvi að gera þetta svona.  Þetta er að horfast í augu við raunveruleikann.

Mikið rosalega er ég þakklátur fyrir að hafa viðskipatækifæri  Herbalife þessa dagana, tækifæri sem veitir mér rétt til að starfa í næstum 70 þjóðlöndum,  tækifæri sem getur fært fólki þær aukatekjur sem á vantar nú þegar svona gríðarleg kjaraskerðing hefur orðið og  er fyrirsjáanleg. 

Heiðarlegt tækifæri fyrir heiðarlegt fólk. 

Ef þið viljið frekari upplýsingar þá smellið á krækjuna hér fyrir neðan og ég skal fræðar ykkur um þetta frábæra tækifæri .

 http://www.heilsufrettir.is/distrApply.php?distributor=sonata

 Það sem skiptir máli núna er að vera iðinn og fyrirhyggjusamur eins og maurarnir og ég set inn aðra krækju með vísdómi mauranna;

http://www.youtube.com/watch?v=rMGfyaLkwRQ&feature=related

Gangi ykkur öllum allt í haginn.. og hafið það eins og þið viljið..

Magnús G.

 

Maður en nú bara eiginlega hálfdofinn

á svona dögum.   Ég  bara sver það að ég átti alls ekki von á því að upplifa neitt því líkt og gengið hefur á  undanfarna daga og vikur í Íslensku viðskiptalífi.  Það er akkúrat ekki neitt sem maður getur gert í stöðunni annað en fara bara með æðruleysisbænina örlítið breytta og  bæta bara inn kæruleysi í staðinn fyrir æðruleysi.  Viðskiptabankinn minn til margra áratuga er bara horfinn í þeirri mynd sem hann var og  enginn veit hvað við tekur,  atburðarásin er svo hrikalega hröð að ég er ekki viss um að menn bara hangi með.  Alltí einu verður maður aftur kominn með íbúðalánin sín í Íbúðalánasjóð og guð má vita hvað verður um lífeyrissparnaðinn sem ég hef verið að leggja inní Landsbankann,  sem í síðustu viku var talinn vera traustasti banki á Íslandi.

Ég  henti fram í bloggfærslu hér fyrir nokkrum dögum, í  hálfkæringi, að við værum í viðræðum við Rússa um gjaldeyrisöflun til að tryggja gjaldeyrsforðann, að það sé hugsanlega raunin er nú bara ótrúlegt.  Alveg er ég sammála Geir Haarde að þegar vinir þínir bregðast þá leitar þú nýrra vina, því við þurfum svo virkilega á vinum að halda akkurat núna.  Það sannast hér eins og svo oft áður að ekki eru allir viðhlæjendur vinir.  Það er líka athyglivert að Norðmenn skuli hafa getað grafið sig útúr olígróðanum í dag og boðið aðstoð, ef eftir væri leitað,  nú þegar við erum komnir í samband við Rússa,  afhverju í andskotanum komu þeir ekki fram fyrr, eða voru okkar menn kannski með einhvern hroka við þá. 

Það þarf að nota  þetta tækifæri sem er að gefast til að hreinsa til,  hreinsa ruglið útúr íslensku viðskiptalífi og koma á eðlilegri hugsun og eðlilegum viðskiptaháttum og siðferði.  Ég  játa alveg að hafa verið orðinn smitaður af þessum glannaskap  og  jafnvel hampað sumum af þeim sem í ljós er komið að hafa leitt okkur sem þjóð út að þann þunna ís sem við nú erum á.   Stjórnvöld eru ekki alls ekki stikkfrí  í málinu og þurfa að axla sína ábyrgð að fullu og líka þeir sem bera ábyrgð að stöðunni eins og hún er.   Auðvitað er þetta hluti af alþjóðlegri Fjármálakreppu en staðan á Íslandi er svo miklu miklu verri en annarsstaðar  af því  er virðist.   Ég ætla að vona að okkur lánist að setja þannig leikreglur fyrir framtíðina að börnin okkar geti búið sátt og sæl og að allir hafi sömu möguleika til að blómstra og  að við verðum með raunverulega löggjöf um eignarhald á fjármálastofnunum, fjölmiðlum og um hringamyndun í viðskiptum.  Köngulóarvefirnir sem búið er að spinna eru margir hverjir svo flóknir að spunameistararnir eru löngu hættir að skilja þá.

Annars hef ég það bara gott og vona að þið hafið það eins og þið viljið.

Magnús G.

 

Súpueldhús á sjávarútvegssýningu

Mér fannst Eimskipsmenn ótrúlega næmir á ástandið á nýafstaðinni sjávarútvegssýningu í Smáranum og Fífunni í Kópavogi.  Þeir settu upp súpueldhús utan við höllina og buðu núverandi, fyrrverandi og verðandi útgerðarmönnum uppá heita súpu í frostinu, þvílík snilld.  Mér hefur alltaf fundist súpueldhús vera merki kreppunnar, þar sem fólk stendur í röð og fær súpuspón, gufuna leggur upp úr pottinum í frostinu og þessari stemmningu náðu þeir alveg í Kópavogi. 

Annars fannst mér menn almennt daufir á þessari sýningu, enda mikil óvissa um framhaldið og menn einfaldlega hræddir.  Ég held að ástandið sé vissulega ótryggt og að framundan séu erfiðleikar sem ekki allir munu lifa af fjárhagslega.  Hinsvegar held ég að enginn muni svelta í hel og að "kreppan",  verði ekki eins djúp og sumir hafa spáð og að hún verði ekki eins langvinn heldur.  Ég óttast að menn tali ástandið of langt niður, á sama hátt og menn töluðu ástandið of hátt upp áður.

Ég held að við sem þjóð verðum að sýna hvað í okkur býr núna, sýna að við séum með eitt hæsta menntunarstig í heimi og hamingjusamasta þjóð í heimi um árabil.  Látum ekki þennan "fjárskjálfta" setja okkur alveg út af sporinu, honum lýkur eins og öðrum skjálftum og við náum fyrri styrk. 

Ég var að horfa á nýjan skemmtiþátt með Ragnhildi Steinunni, flottur þáttur hjá henni og Bubbi stóð sig vel að vanda.  Mér fannst hann reyndar óvenju hógvær, rólegur og auðmjúkur.   Hann er greinilega að eldast og prógrammið sem hann talar svo oft um er að virka. 

 

Hafið það eins og þið viljið og munið að það lætur enginn okkur líða illa án okkar samþykkis.

Magnús G.

Þessi vika er búin að vera alveg ótrúleg

Byrjaði á Glitnismálinu og svo hefur í raun hvert stórmálið rekið annað og dagurinn í dag enginn eftirbátur hinna.  Stóryrði hafa fallið um allt og alla, glæpamenn í útrás, þjófar í stjórnarráðinu og seðlabankanum, yfirvofandi vöruskortur í verslunum og fyrirsjáanleg einangrun landsins vegna eldsneytisskorts og ég veit ekki hvað og hvað ekki.  Eru menn að ganga af göflunum hér,  öfgarnar eru svo ótrúlegar í allar áttir og sveiflan svo gífurleg að þetta hefði einhverntíma kallað á læknishjálp.  Hvað hefur eiginlega gerst í raunveruleikanum ?   skyldi það vera að spákaupmennskan og græðgin sem ráðið hefur för svo margra hafi verið stöðvuð.  Menn ætluðu að græða svo mikið, svo Hrikalega mikið á svo skömmum tíma að allar leiðir voru notaðar til að framleiða "peninga/verðmæti" með allskyns millifærslum og krosseignarhaldi og flutningi á eignarhaldi á ímynduðum verðmætum og hvað nú ?  Hvar eru öll þessi verðmæti ?  Þau  eru hvergi, vegna þess að þau voru aldrei til nema í hugum einhverra og á einhverjum pappírum sem eru verðlausir af því að það voru engin raunveruleg verðmæti á bak við pappírana. 

Það getur vel verið að það verði harkalegur samdráttur og jafnvel kreppa, sem væntanlega mun neyða okkur inní  ESB, af því að það verður eina lausnin fyrir okkur og væntanlega verður það til góða fyrir börnin okkar, sem þá fá almennar leikreglur fyrir framtíðina, en ekki það gríðarlega óöryggi sem fylgir "setöppinu" sem við búum við í dag.   Eitt finnst mér hafa komið svo skírt í gegn þessa daga og það er hvernig viðskiptasiðferðið er orðið og ég held að þessi "tilbúna" kreppa sé tilkomin vegna þess lága siðferðis sem ríkir orðið í viðskiptum.  Græðgi og Óþolinmæðin eru svo mikil að menn svífast einskis til að græða sem mest, hvernig sem þeir fara að því og árangurinn er fyrir framan okkur, ástandið eins og það er í dag.  Auðvitað er ég ekki að alhæfa hér og sem betur fer eru ennþá grandvarir, þolinmóðir og heiðarlegir menn og konur ennþá í viðskiptum og á þeim munum við fljóta í gegnum þessa brotsjói sem framundan eru.

Ef  þetta ástand verður til þess að það verði hreinsun, þá verður það ekki til einskis.

Ég  heyrði einhversstaðar í gær eða dag að hugsanlega fengjum við aðstoð með gjaldeyri frá Rússum, hver ætli sé að "plögga" það,  kannski Davíð ??

Hafið það eins og þið viljið um helgina 

Magnús G.

P.S. og ég sem ætlaði aldrei að blogga um neitt annað en skemmtilega hluti, Já svona er lífið !!!!

Þetta tígrisdýr hér fyrir neðan er ALVÖRU  en einhverntíma voru spákaupmennirnir kallaðir "pappírstígrisdýr"

Það er búið að vera merkilegt

að fylgjast með þróun Glitnismálsins í dag og heyra nánast í hverjum einasta fréttatíma einhverja nýja hlið á málinu.  Ég  hélt í gær að menn hefðu bara haft kjark til að horfast í augu við raunveruleikann og gert það eina rétta í stöðunni,  en nú er ég farinn að efast og veit varla hverjum ég á að trúa.  Þetta er allt eitthvað einkennilegt og  varla eru öll kurl til grafar komin enn.  Ef rétt er að Ríkið með Seðlabankann í forystu hefur nánast stolið eða  rænt bankanum af eigendum hans  og misnotað stöðu sína með fólskulegum hætti, þá sé ég ekki annað en að fólkið í landinu eigi að refsa Sjálfstæðisflokknum harkalega og gefa þeim ágætu mönnum langt langt frí frá stjórn landsins.  Varla er hægt að refsa Samfylkingunni sem virðist bara vera áhorfandi að öllu saman,  reyndar fannst mér Viðskiptaráðherran aumkunarverður í sjónvarpinu að reyna að halda því fram að hann hafi verið með í leiknum,  ég held hann ætti að bíða aðeins og kannski vera feginn að hann var skilinn útundan. 

Annars er september búinn að vera mér góður og ég fer sáttur inní október.

Hafið það eins og þið viljið.

Magnús G. 

 

Að horfast í augu við raunveruleikann

Þannig upplifi ég atburði helgarinnar og dagsins.  Ég get ekki annað en tekið ofan fyrir stjórn og stjórnedum Glitnis fyrir þann kjark sem þeir sýndu er þeir leituðu aðstoðar í þeirri stöðu sem þeir voru komnir í.  Ég skil líka vonbrigðin hjá forstjóranum og stjórnarformanninum að ekki hafi verið aðrar leiðir færar á þeim tíma sem menn höfðu til umráða.  Þessir atburðir eru núþegar farnir að hafa domino áhrif sem endurpeglast í greiðslustöðvun Stoða, kannski sjáum við eitthvað meira af slíku, en vonandi ekki.   Ég  hef lengi haft áhyggjur af samþjöppun og krosseignarhaldi í fyrirtækjum á Íslandi og afleiðingunum þegar erfiðleikarnir koma, þvi alltaf koma erfiðleikar.  Guðni Ágústsson kallar þetta svartan dag,  en ég er ekki sammála honum, þetta hefði getað orðið svartur dagur ef ekkert hefði verið aðgert en sem betur fer eru menn með kjark í Glitni og  ekki síður í Seðlabankanum.  

Hinsvegar langar mig að fara ein 21 ár aftur í tímann og minnast gleðistundar á Fæðingardeild Landspítalans, þegar okkur Helgu fæddist einkadóttirin Sigrún Ásta  sem er 21 árs í dag.   Innilegar hamingjuóskir Sigrún mín með daginn  og  njóttu hans.

Hafið það eins og þið viljið

Magnús G.

Sigrún Ásta á útskriftardaginn sem student í vor.

Römm er sú taug

sem er klemmd og orsakar tilfinningaleysi í fingrunum en nú er búið að losa hana blessaða.  Ég fór semsagt í aðgerð í dag, var skorinn í olnbogann og taugin losuð.  Það fór um mig undarlegur straumur þegar verið var að krukka í þetta og losa um taugina og  allar líkur á að aðgerðin hafi tekist vel.  Þessi klemma er búin að há mér lítilsháttar í nokkra mánuði og nú sé ég fram á bjartari tíma og þetta hefur kennt mér hvað heilsan er feikilega mikilvæg og  hvetur mig enn meira til að gæta hennar vel. 

Hafið það eins og þið viljið um helgina..

Magnús G.

Frábærir dagar í Miðfirði

Var að koma heim eftir tvo daga við veiðar í Miðfjarðará.   Aðstæður voru ekki sem bestar þegar ég mætti á svæðið á mánudaginn en löguðust sem á leið og túrinn reyndist verða algjörlega frábær.  Ég  var svo heppinn að landa 13 löxum  þessa tvo daga, þar  af  8 í morgun,  algert ævintýri í Núpsá.   Veiðferðir svona seint í september  geta verið mikið happadrætti og  ekki er á vísan að róa  með  veður og aðstæður,  en þetta haustið var lukkan mín megin,  veðrið var fínt allan tímann og árnar í  fínu standi,  nokkuð vatnsmiklar og skolaðar en það kom ekki að sök. 

Svona túr er hreinasta afbragð  fyrir  sálartetrið og ég endurnærist við það að fara og standa með stöng í hendi þessa daga og kljást við það að setja í fisk.  Nú orðið sleppi ég nánast öllum löxum sem ég veiði, tek mér í soðið hænga en öllum hrignum stórum og smáum er sleppt, undantekningarlaust, svona seint á haustin og  ég var svo heppin að setja í þónokkrar hrignur sem fengu að synda frjálsar útí hylinn sinn aftur.

Tveir kærir vinir mínir eiga afmæli í dag og ég óska þeim innilega til hamingju með daginn. 

Hafið það eins og þið viljið .

Magnús G.

Tvöfaldur regnbogi í Hvalfirði í dag.

 

Frábær dagur að kveldi kominn..

ég er búinn eiga frábæran dag,  fór á fund í morgun og í hádeginu fékk ég  afmælissönginn frá ca. 100 manns á  Grand Hótel,  takk fyrir það kæru vinir..  Fór svo á einhverja mögnuðustu Sportráðstefnu sem haldin hefur verið á Íslandi fyrr og síðar með ca. 1000 manns í stóra salnum í Háskólabíó,  þar sme afreksmenn í íþróttum og venjulegt fólk sagði okkur hvernig við getum látið drauma okkar um betra líf rætast.   Luigi Gratton  næringarráðgjafi  LA Galaxy,  liðið hans Beckham,  gaf okkur góð  ráð og  vinkona mín hún Else Lautala sem er 3 faldur heimsmeistari í fitness sagði okkur hvernig hún æfir og nærir sig. 

Í kvöld fór ég svo út að borða með börnunum mínum, Helgu barnsmóður minni og fjölskyldu Steinars tengdasonar míns og  áttum við frábært kvöld saman.  

Dagurinn fyrir mig var fullkominn og  það er örugglega enginn þakklátari en ég fyrir þessa glæsilegu Sportráðstefnu í dag,  sem er afsprengi af lítilli hugmynd sem fór í loftið í byrjun ársins 2007. 

Þetta var ein af afmælisgjöfunum sem ég fékk í  dag..

http://www.herbalife-h3opro.com/is/

Hafið það eins og þið viljið.

Magnús G.

21. september

er dagurinn  og í tilefni hans fór ég út að skemmta mér í kvöld í góðum félagsskap.   Hendi inn einni mynd af mér og Else Lautala  3 földum heimsmeistara í Fitness ofl. 

Sjáið  þessa krækju http://www.elselautala.com/

 

Hafið það eins og þið viljið í dag, ég ætla að njóta mín áfram.

Magnús G.