La belle vie

Já  já  nú  bara  slær maður um sig  á  frönsku,  enda  er  það tilgangurinn með frönskunáminu að læra  eitthvað  í  málinu  ..    La  belle  vie  merkir  að  lífið sé  yndislegt  eða  eitthvað í  þá veruna og  það er akkurat það sem liggur  mér  á hjarta  núna.    September, mánuðurinn minn er að  verða  búinn, bara nokkrar klukkustundir eftir..  Þessi  september  var aldeilis frábær  fyrir mig  og  það sem ég er að gera   dagsdaglega..  hann er  ekki án áfalla, enda  ekki við því að búast en  svona gereralt   mjög  góður mánuður..  Börnin  mín eldri  bættu bæði við sig  nýju ári í mánuðinum,  Guðjón Már  varð  21 árs  2. sept. og  Sigrún Ásta  varð  20 ára í gær.   Nú  eru  þessir krakkar bara orðið fullorðið  fólk  og  mitt álit  á  þeirra gerðum fer að skipta  enn minna  máli í  þróunarferlinu hjá þeim.  En  sem betur fer  hafa þau nú þroskast  vel  þrátt fyrir mitt uppeldi og  fyrir það er ég nú  þakklátur,  flottir krakkar sem ég er mjög stoltur  af.    Reyndar  er ég svo  heppinn að Sigrún Ásta,  Hákon Örn og  Steinar Már ætla  að  kíkja  á mig hér í Laayoune  eftir  tæpar tvær  vikur.   Ég  verð nú bara að segja að ég er orðinn mjög  spenntur að  fá þau  og  sýna þeim við hvaða aðstæður ég bý hér í  Marokkó.. og vonandi  sér hann Hákon minn  Úlfalda hér í  Sahara eyðimörkinni.  La  belle  vie  er  viðhorf  og  mikið  er  ég þakklátur fyrir  að hafa tamið mér  þetta  viðhorf  til lífsins  fyrir  nokkrum  árum síðan,  það  verður allt  svo  miklu skemmtilegra  ef  maður hefur jákvætt viðhorf  til  lífsins  og  samferðamanna sinna,  ég  er  alveg  sammála  Churchill  gamla  sem  sagði að  "attitude is  a  small  thing which can make  a big  difference"  eða  "viðhorf er litill hlutur sem breytir miklu"  þvílík sannindi.    Það er  ekker  auðvelt að hafa  jakvætt viðhorf  í  nútímasamfélagi,  lesið þið bara blöðin eða  horfið á  sjónvarpsfréttir,  fólk  skotið í beinni í  Myanmar,  ekki mikið  jákvætt  þar,  vegna  þessa  er  ég eiginlega alveg  hættur að horfa á fréttir og  lesa dagblöð..  Ef  ég  sleppi þessum  miðlum  gengur mér betur að viðhalda  jákvæðu viðhorfi og  lífið  verður skemmtilegra.  Jæja  þetta var nú bara það sem ég var að hugsa á þessum fína sunnudegi sem ég hef nú  aðallega  nýtt í afslöppun og  líkamsrækt.     Framundan  verulega  viðburðarík  vika, fer í  fyrramálið  snemma  til Agadir vegna vinnu og  svo  þaðan  á  miðvikudaginn til Las Palmas  og  kem heim á föstudaginn.   

Föstumánuðurinn er  hálfnaður og  pirringurinn hefur vaxið  eftir því sem á  líður og  ótrúlegt  hvað menn kenna margt uppá  þennan tíma, það er  merkileg  reynsla að vera hér á  þessum tíma.  Mér  skilst  að  föstu lokin  hefjist  11. október  og standi til 14 október og þetta eru frídagar  hér..

Hafið það eins og þið  viljið,  hér er  alltaf  sama sólin og blíðan,  þetta venst svo ótrúlega vel..

Magnús G.

P.S.  Addi minn til hamingju með daginn...

 

   

París Afmæli Agadir !!!!!!!!!!!!!!!!!!!!!!!!!!!!

Jæja  þá  er maður kominn heim  aftur,  já  heim til Laayoune.   Það  er í  raun  ótrúlegt  hvað  það er alltaf gott að koma heim,  hvar  svo  sem það er á  hverjum tíma..  Ég  var í  viku  í  burtu,  fyrst  nokkra  daga í  París,  fór  þangað  á  miðvikudaginn fyrir viku,  hundveikur af flensu og  ég  lá eiginlega  í rúminu fyrsta  sólarhringinn,  sem var  í raun bara ágætt,  fékk fína hvíld líka útúr því.. Ég  var  á  alveg ótrúlegu  hóteli sem heitir Bellechasse  og  hér  fyrir  neðan  er krækjan á hótelið  http://www.lebellechasse.com/introduction_fr.php  sem er  náttúrulega  bara  ótrúleg upplífun að gista.. 

Á  afmælisdaginn  fór  ég  á  eitthvert  flottasta  veitingahús sem ég hef komið á,  þ.e.a.s. maturinn og þjónustan.  Af  10 mögulegum  fékk  maturinn  11  og  þjónustan 12,  nei nei  ég er ekkert  með sólsting,  þetta var bara svona  frábært.  Veitingahúsið er í eigu  Hélen  Darroze  sem  er  einhver  allra  besti  matreiðslumaður evrópu  í dag.  Þetta  var í  raun  bara  upplifun að borða  þarna og  ég get  mælt með þessu við hvern sem er,   Frábært  veitingahús..  www.relaischateaux.com/fr/search-book/hotel-restaurant/darroze/

Auk þessa  borðaði ég  á  elsta  veitingahúsinu í  París  og  öðru  frægu  Dúfna veitingahúsi  sem  ég  get líka  mælt  með  sem ágætu veitingahúsi  með  ágætri þjónustu..  en  allt  um mat.. það var  enginn skortur á  honum í París..  Að öðru  leyti  var París  frábær  að vanda,  veðrið  yndælt  sól og  22-25  gráður alla dagana, frábært gönguveður enda  gekk ég  mikið um París  og  kynntist fullt af nýjum  hliðum á henni í  þessari ferð..  Frábært  afmæli og  frábær  Parísarferð  í  frábærum félagsskap..  Ég  flaug  svo  til  Agadir  á  sunnudaginn  þar  sem ég  þurfti  að sýsla  nokkur mál  á  mánudag og þriðjudag  og  kom  svo  heim í  gærkvöldi..   Ég  kynntist  alveg  nýrri hlið  á  Ramadan  í  Agadir þar  sem ég  átti  fund (já viðskiptafund)  mjög  seint  að  deginum  og  ég  verð að segja  að  mér  leist strax frekar illa  á    þetta  því  mér  fannst  sá  sem ég var að  hitta frekar  ör  og  óstöðugur,  enda kom  á  daginn að hann missti alveg  stjórn á  sér og  kallaði  mig  öllum illum nöfnum og  hótaði mér  öllu illu og  sagði mér svo að fara  til   þið vitið,  pakkaði saman stóð upp og fór..  Allt  þetta upphlaup  af því að ég  stóð bara á  okkar óskum í  samnigunum..  Um  kvöldið  var mér svo boðið í  eina af þessum frábæru  Marokósku veislum  þar  sem troðið er í  mann  mat  þangað til maður er  orðinn fullur af mat...í  orðsins fyllstu merkingu.. Ég  fór  að ræða  uppákomu dagsins  við  félaga  minn  og  sagði  honum að mér  þætti  svona  frekar leiðinlegt að  hafa  svo áhrif  á  þennan viðsemjanda okkar að hann þyrfti  að grípa  í  þennan orðaforða  sem hann notaði,  hann sagði Magnus þú verður að  skilja  að það er RAMADAN   og þá   mega  menn segja  allt  sem þeim  dettur  í hug  og  svo  bara afsaka menn það með Ramadan..   Já  en,,,,,,  það  er  ekkert já  en  í þessu,   þetta  bara er  svona  og  þú verður bara að  lifa við það...  OK   sagði ég  og  ætla bara  að lifa  við  þetta, get  ekki  annað í  stöðunni,  enda alltí  lagi... 

Franskan  mín  er  alltaf  að  verða  betri og betri  og nú er alveg að byrja  tími og  ég  hlakka til að mæta í skólann  og  ég  er ánægður með kennarann minn..

Ég  skal svo  reyna að vera  duglegri að blogga á  næstunni, allavega  þangað til ég  fer til Íslands  á  hitt heimilið  mitt í Kópavogi eftir ca.  3 vikur ..  

Svo vil  þakka öllum fyrir  að heimsækja  síðuna mína  ég  er ferlega stoltur af þvi hvað  margir  heimsækja  síðuna mína  og  sumir  skamma mig fyrir  að blogga  ekki meira,  einhverjir hafa þá gaman af þessu  bulli  í mér.. 

Hafið það eins og þið viljið,  hér er sól og blíða,   SORRY  ætlaði ekki að segja  þetta 

Myndirnar eru  af stiganum uppí  Sigurbogann  og af  Listakonu á  Signubökkum  og ég keypti af henni vatnslitamynd, mjög  flotta  af húshluta sem stendur á árbakkanum..

Sjáumust   

Magnús G..

Ramadan í fullum gangi ........

Jæja  nú  er  Ramadan  byrjuð,  fyrsti dagurinn var  þann  14. september og  það er ótrúlegt  hvað  margt  breytist...  hjá  fólkinu hér.  Ramadan  er föstumánuður  Múslíma  og  frá  sólarupprás til sólarlags  fasta  þeir á  allt,  mat, drykk, tóbak og  kylíf..  og  svo þegar sólin  gengur undir þá  byrjar fjörið  og  stendur það yfirleitt fram  eftir  nóttu.  Við  höfum  þurft  að  gera ýmislegt  hér  til að koma  til móts  við fólkið  okkar,  m.a. höfum við breytt  vinnutíma  fólksins,  stytt  hann og  nú  er enginn matartími á daginn..   Þessi  tími er athyglisverður  og  merk reynsla  fyrir  okkur sem  komum úr  óhófinu á  Íslandi og  vekur mann til umhugsunar.    Annars  er  vikan búin  að vera mögnuð,  mikið  að   gera  og  tíminn bókstaflega  flýgur  áfram  og  ég  á leið  í frí  til  Evrópu  í  nokkra  daga.   Ég  ætla að eyða  afmælisdeginum í  einni fegurstu  stórborg  Evrópu.   Franskan  er  ótrúleg  og  ég er  farinn að trúa því  að  ég eigi eftir að  tjá mig á frönsku áður en  langt um líður og  jafnvel  halda uppi  samræðum á  þessu fallega  tungumáli,  Ahalam  er  stórkostlegur kennari  og  stendur  sig  með mikilli  prýði og  nú  erum við  orðnir  tveir í tímunum  hjá  henni.  Ramadan  breytir náminu hjá  okkur,  tímarnir  eru nú kl.  2100 á  kvöldin í  stað  kl.  1900  áður  en  ekkert  mál  við  bara  tökum þátt í  Ramadan..    Við  héldum  veislu  í  gær, steiktum glænýjan  fisk  og   grænmeti  og  fórum svo í Kollu kaffi í  dag,  með  pönnsum og  alles,  skemmtileg  tilbreyting..  Ég  verð  nú  eiginlega að segja  að  ég er  svo  glaður í  dag,  ekki vegna  veðursins á Íslandi  heldur af  því að Breiðblik  skellti  FH  í  dag  og  ég  heiti  á  Willum og  Valsarana  að  taka nú Skagann á  morgun og koma  sér  í efsta  sætið  í  deildinni,  nú  verðið  þið bara að taka þetta  Valsarar.. 

Ég  ætla að setja inn  tvær  myndir  núna  aðra af  Ahlam  fröskukennara  og svo  hina af  matarboðinu í  gærkvöldi. 

Hafið það eins og þið viljið    La  belle vie

Heyrumst  

Magnús G.  

Nokkrir punktar frá Marokkó.....

Jæja  þá  er maður kominn heim aftur eftir  nokkura  daga ferðalag til  Agadir  enn og  aftur.  Frábær  borg Agadir og  ég bara hvet  alla sem hafa áhuga á  einhverju öðru en Kanarí  og eða  þessum hefðbundnu  Íslensku  áfangastöðum  að  kíkja  á  Agadir.. Ég  var  svo  heppinn núna  að  ég þurfti að fara degi  fyrr  vegna  samgangna  og  náði  þess vegna einum  hálffrídegi  á  sunnudaginn... Það var að vísu hringt í mig um morguninn og ég beðinn að hitta  mann  sem ég og gerði.  Maðurinn er  skandinavi   sem er búinn að vera búsettur í Marokko í  15 ár og á  hér  bú og  börn með  konu sinni sem er héðan.   Ég  hitti  hann og son  hans  Hassan  9 ára  sem er hálfur skandinavi.   Hassan  talar  svolítið í  skandinavísku,  arabísku  auðvitað,  frönsku og  ensku..

Hassan  er  skemmtilegur strákur og  góður í  fótbolta  að eigin sögn,  hann er allt  öðruvísi en önnur börn sem  ég hef séð hér, með hár niður á herðar  og  pabbi hans sagði mér að það væri víkingurinn í honum sem brytist svona út..   Við  fórum á  veitingahús  saman þar sem  ég  borðaði einhvern hefðbundinn  Marokóskan  rétt sem  gerði  svo  uppreisn í   maganum á mér  um kvöldið og daginn  eftir en maturinn  var mjög góður og  ég er alveg til að prófa meira af svona mat í  framtíðinni.. ´

Ég  fékk líka  tækifæri til að fara í smá göngutúr um aðal ferðamannasvæðið  við ströndina og það er í raun ótrúlegt hvað búið er að byggja upp  flotta ferðamannaaðstöðu   þarna á  örfáum árum,  skemmtlegir veitingastaðir, fínar verslanir og  allskonar afþreying  á  ströndinni. 

 Á morgun  þann 13. september  byrjar  svo RAMADAN   og  þá  breytist allt hér,  fólk er  búið að vara okkur  aðeins við og  ef  okkur finnst hlutirnir ganga  hægt  venjulega, þá  fyrst   byrjar  ballið á  ramadan,  það hægir á öllum hlutum yfir daginn  og  allt  fer  á fulla ferð á nóttunni.  Það verður bara lífsreynsla að upplifa  þetta  tímabil  með  fólkinu hér og  ég tek bara því sem að höndum ber..í  því... 

Aðeins um veðrið,  það er  bara  eins hér dag  eftir dag eftir dag..   Er það ekki þannig á Landinu góða líka,  nema kannski ekki alveg  eins..

Hafið það eins og þið viljið.. 

Magnús G   

07.09.07. to be, or not to be ..................

Það  er svo mikið að  flottum tölum núna,  svona í upphafi aldar.  eins og  06.06.06  er  Bubbi Morthens  og  07.07.07.  var  einhver  allra  vinsælasti  brúðkaupsdagur  ísalandssögunnar  að  mér er sagt  og  einhver  hellingur  í  viðbót..    07.09.07.  er  einn af þessu flottu dögum  og  hann  tengist  mér  ansi  mikið,  þessi fallegi  dagur,  eins og Bubbi söng  svo  fallega.   Í  dag  á ég nefnilega brúkaupsafmæli   22 ára  brúðkaupsafmæli  og það  minnir  mig  á  fallegan  dag  árið  1985,  þegar ég  steig  eitt  af  mínum mestu auðnusporum  á  lífsleiðinni..  það  er  ljóst..  En nú er  ég  skilinn og þess vegna  kemur þessi  spurning upp  í  hugann,  heldur maður áfram að eiga  brúðkaupsafmæli  eða  ekki,  þ.e.a.s. eftir  að maður  er skilinn..  Ég  er ekki viss og  kalla  eftir  skoðun  á  þessu..    Annars  ætlar  þessi ágæti dagur í dag að  standa undir nafni,  hann  byrjar  kröftuglega  og  í dag  er  kosið  hér í  Marokkó  og  menn  mæta  í sínu fínasta  pússi á kjörstað og  greiða  sín atkvæði.   Ekki  er  ég nú mikið inní  flokkspólitíkinni  hér  en  mér sýnist vera góður jarðvegur  fyrir  vinstiri  sinnaða  "svo kallaða"  jafnaðarmenn  hér  og   hafa  þeir  farið mikinn í  að vekja á sér athygli.   Hvort  þeir eru svo  jafnaðarmenn þegar á hólminn er  komið.  læt ég aðra um að dæma.  

Ég  ætla að gera þetta að góðum degi,  enda  einn af þessum flottu  07.09.07.  og  meðan ég  veit  ekki betur þá  ætla ég  bara að nota tækifærið og gera mér dagamun í dag, það  er  alltaf  pláss fyrir tyllidaga..  

Hafið það eins og þið viljið,  ég ætla að hugsa  vel um  mig..

Magnús G.

Talar þú frönsku, sagt á frönsku, hefur hljómað oft í eyrum mér, hér....

Og hvað er þá til ráða  annað en að  byrja að læra frönsku ?  ekkert annað  og þess vegna byrjaði ég í fyrsta  frönskutímanum  í  kvöld  kl. 1900  og  fyrir þá sem vilja  vita  það, þá  var sá  tími  ekki yfir kertaljósi.   Þetta var hardcore  kennslustund og  lærði  ég bara þó  nokkuð í  frösku á  þessum rúma klukkutíma  og  mér  líst vel á framhaldið..  Kennarinn minn heitir AHLAM   sem merkir draumur og  þessi unga kona er algjör  draumur,  nýbúin að læra  til kennara  og  flutti hingað til Laayoune  fyrir hálfum  mánuði.   Ahlam  er búin   að ráða  sig  hér í Laayoune  í  8 ár  við kennslu í  gagnfræðaskólanum og  hún  fær  20 % hærri laun hér en fyrir norðan,  nokkurskonar staðaruppbót  vegna  fjarlægðar  frá  helstu  þjónustumiðstöðvum  Marokkó..  Kannski eitthvað sem við ættum að taka upp á Íslandi.   Það  eru nú  nokkur  ár  síðan ég sat  síðast á skólabekk  og það var skemmtileg upplifun  að sitja einn í kennslu"stofunni"  og  læra  þetta framandi tungumál sem franskan er fyrir  mér.. en  ég er nú frá Fáskrúðsfirði hinum franska,  þannig að ég bara verð að spjara  mig  og svo bjó  ég lengi í  Dýrafirði þar sem eru frönsk  áhrif líka  þannig að þetta hlýtur að steinliggja hjá mér...    Annars  fer september frábærlega af  stað  hér í Laayoune, enda ekki við öðru að búast  allt  komið á  fullu ferðina  og  mikið gaman að vera til..  Kosningafyrirferðin bara  eykst  með degi hverjum og  það á  að kjósa á  föstudaginn held ég  og  svo  fer Ramadan að byrja í  vikunni þar á eftir þá  skilst mér að maður fái svolítið að taka á þolinmæðinni,  meira en venjulega.

Mjög gott veður í  dag  Sól og heitt,  venst vel þetta veður .. 

 Hafið það eins og þið viljið 

Magnús G. 

PS.  set inn eina af mér með Fáskrúðsfjörð  í baksýn, það er það franskasta sem ég á í bili.

Gay Pride eða Kosningar...

Ég  lenti í rosalegu í  kvöld þegar ég var að koma heim  úr  vinnunni..  Ég þarf  að keyra í ca.  hálftíma frá  höfninni og  heim í Laayoune  sem er bærinn sem ég bý í hér  í Marokkó.  Vegurinn er fyrst sæmilegur og  þar er  100 km  hámarkshraði og  svo  lagast vegurinn mikið og  verður tvöfaldur svona eins og Keflavíkurvegurinn er að verða  og  þar er  80 km  hámarkshraði, með  60 svona inná milli  og þar er hraðinn mældur, nánast alla  daga til að auka tekjur lögreglunnar. (Sama aðferð og á Blönduósi)   Á  miðri leiðinni mæti ég þessari líka  litlu  bílalestinni,  allir með  "hazard" ljósin á  og  flautandi  og  fólk úti um allt,  út  um gluggana og á pallbílum og annarstaðar þar sem það gat hangið.  Ég hélt  fyrst að þetta væri Gleði Ganga  (GP)  og  fór að hugsa, ætli það megi hér, það er svo rosalega margt  bannað hér nefnilega.. Ég  fór að hugsa aftur,  nei  þetta getur ekki verið, þeir  keyra svo  rosalega hratt og það voru líkar allir klæddir, bara svona  eins og venjulega, ekkert drag eða neitt svoleiðis.   Svo  áttaði ég mig,  þetta var kosningalest eins stjórnmálaflokksins  hér  og  þetta er siður hjá þeim er  mér sagt.  Svona draga þeir til sín athyglina og  vekja fólk til vitundar  um  kosningarétt sinn,  mjög  skemmtileg  aðferð, hávaðasöm  og fer ekki framhjá  neinum sem á veginum verður..  Mér  var  að detta í hug að  segja kannski Guðna frá þessu fyrir   næstu kosningar, þannig að hann geti beitt svona  erlendum aðferðum í  næstu baráttu og  keyrt um landið allt,  með hávaða og  söng og gleði  og  neitað að gefast upp fyrr en fólk kýs flokkinn.  Því  miður  þá náði  ég ekki mynd af þessum herlegheitum enda allir á mikilli ferð bæði ég og þeir... en í  staðinn ætla ég að setja eina svona skipstjóramynd af mér  inn,  því það var nú einu sinni minn stærsti draumur að verða  skipstjóri.. Ég tek  það fram að ég er í   Arsenal bol  á  myndinni sem var tekin á afmælisdegi Guðjóns  míns  og klæddist ég þessum bol honum til heiðurs..  annars held ég auðvitað með Breiðablik og Liverpool   og  líka svolítið með Val  af því  að Gummi Ben er þar og Willum þjálfar þá.  

Hafið það eins og þið viljið 

Magnús G..

 

Skrítinn afli..

 

 

Í dag fór ég niður í Marsa  sem  þíðir í raun höfn á arabísku,  veit ekki hvort þetta er rétt skrifað, ég var þar að bíða eftir skipi sem við eigum sem var að koma úr  slipp á Las Palmas..  Á  meðan ég var að bíða  fór ég að skoða  þess gríðarlega voldugu  hafnargarða sem eru í kring um höfnina og  eru gríðarlega langir og miklir.. Þessir garðar eru byggðír upp úr forsteyptum steypuhlunkum sem raðað er svo saman hverjum ofan á annan í  mörgþúsundatali.  Ég er alveg viss um að þetta eru frábærir brimbrjótar og mjög ganlegir sem slíkir.. En  í  þessum görðum leynist ýmislegt !!  Fjöldi veiðimanna er þarna samankominn allar helgar og kannski oftar og veiðir á stöng eða færi..  Aflavonin hlýtur að vera nokkur því margir stunda þessar veiðar.  Í  dag hitt ég einn ágætan veiðimann og var aflinn kolkrabbi, ekki gat ég spurt  hann hvað hann tók,  en ég nokkuð viss um að það  vara ekki "snælda"  og  ekki heldur rauður Frances með keilu..   Frábær dagur að kveldi  kominn,  til hamingju Guðjón  minn með daginn í dag. 

Alltaf sama góða veðrið  hér  SÓL, SÓL OG SÓL   HAFIÐ ÞAÐ EINS OG ÞIÐ VILJIÐ

Magnús G.