Gleðilegt nýtt ár og takk fyrir öll þau gömlu..

Jæja  þá  eru  jólin liðin og  áramótin líka og  nýtt  ár hafið  árið  2008.   Ég  er  viss um þetta ár  verður fullt af nýjum tækifærum og  ákorunum til að takast á við ..  Ég  átti  góðan jóladag  framan af  degi  og  fór  í þennan  líka  fína  göngutúr  uppí  Ásakór  og  aftur  til baka og á bakleiðinni lenti ég  í  byl  og  stórhríð  sem er nú  bara skemmtilegt  hér á  Stór Kópavogssvæðinu.. Jólahelgin fékk  heldur  snöggan endi hjá mér  síðdegis á jóladag,  þegar mér bárust  fréttir af  hinu hörmulega  slysi  sem varð um borð í einu af  skipunum okkar.  Í  þessu slysi  létust tveir  frábærir  starfsmenn,  annar þeirra heimamaður  í Marokko  og  svo  skipstjóri  skipsins  Helgi Jóhannsson,  þeirra er  beggja  sárt  saknað  og  missir  fjölskyldna  þeirra er  þó  auðvitað  mestur  og  votta  ég  þeim mína  dýpstu  samúð.   Með okkur  Helga  hafið  tekist  sérstakur og  góður  vinskapur  á  þessum fáu  mánuðum sem kynni okkar  vörðu  og mun  ég sakna  þess að geta  ekki  átt við hann  hressilegar og  skemmtilegar  samræður í  framtíðinni,  en  minningin um góðan mann lifir.  Eðlilega hefur tíminn  undanfarna daga  farið í  mál  tengd  þessu hörmulega slysi  og  töluverð  vinna  fylgir því að fá  lík  flutt milli landa.   

Áramótin  hjá  mér voru hefðbundin,  við  vorum öll  saman  eins og undanfarin  rúm 20  ár,,  börnin  okkar Helgu,  við  vorum  heima  hjá  Helgu  ásamt  móðiur Helgu og  systur  og  hjá  okkur voru  okkar  kæru vinir  Bergþóra og  Kristján  og  Friðjón og Mímí  og  Eríkur faðir Kristjáns.  Maturinn var   hefðbundinn,  rjúpusúpa frá  mér  og   Kalkúnn og  kaffiís  frá  Helgu..  allt  gott.  Raketturnar  fengu frí  en við   sendum tvær  tertur  til  himins  í  rokinu í  gærkvöldi,  varla  stætt,  en ótrúlega miklu  skotið upp samt..   Við  skutumst  áðan  feðgar og  tókum  Darra Gunnarsson frænda  okkar  með  í smá  rakettushow  sem gekk flott,  við  skutum upp í  Kórahverfinu... þetta árið ..    Ég  fór í  skemmtilegt  fertugsafmæili í  dag hjá  vestfirskri  blómarós og  það  skemmtilegasta  við afmælið var að það var svona  ekta  afmæli með tertum, kaffi og  appelsíni,  alltaf gaman að  hitta fólk sem maður hefur ekki hitt áður.   Á  morgun hefst ég handa við  parketlögn  og  frágang  í  Ásakór  og  stefni að flutningi á  næstu dögum..

Ég  vil  þakka öllum fyrir  árið sem var að líða og  óska öllum gleði og  gæfu á   nýu ári  

Hafið það  eins og þið viljið á nýja árinu 

Magnús G.

 

 

 

Athugasemdir

[Solveig Friðriksdóttir, 2.1.2008 kl. 17:12]

Heill og sæll og gleðilegt nýtt ár sömuleiðis Hlakka til að feta áfram Herba stíginn í samfloti með þér og öllu hinu góða fólkinu okkar. Kveðjur frá okkur

[Fallega fólkið í Leeds, 4.1.2008 kl. 13:12]

Gleðilegt ár Maggi minn og takk fyrir öll gömlu árin, hlökkum mikið til að takast á við nýtt og spennandi ár með þér !

Kveðja

Halldóra & Malli

[Margrét G. Scheving (IP-tala skráð) 11.1.2008 kl. 15:48]

Komdu sæll og blessaður kæri Maggi minn Guðjóns  aðaltöffarinn þótt víða væri leitað !! Af mér og mínum er allt gott að frétta, fiskiríið gott eða eiginlega bara mok  Veðrið er bara gott núna, en annars hefur það verið hundleiðinlegt ! Ég vona að þetta lagist núna. Nú er sko mín byrjuð í átaki ekkert annað, hreyfi mig á hverjum degi og passa matar...... ekki pillur  Það er vonandi að við hittumst oft á nýja árinu og gerum einhvað skemmtilegt  

Hafðu það gott  minn !!

Sjúbbídú !!

Þín vinkona Magga Scheving og Ási krúttípútt fær að fylgja með !!