Brilliant dagur að kveldi kominn..

Kominn heim  eftir frábæran  dag á Snefellsnesi  í dag..  Við  Hákon Már Örvarsson  fórum að  hans  frumkvæði  vestur á  Nes til að veiða  á  vatnasvæði  Lýsu  í  morgun  og  vonbrigðin með  veiðisvæðið  voru alger,  en  við  létum það  ekkert  á okkur  fá og  sjaldan  hef  ég hlegið jafn mikið  á  jafn stuttum  tíma  nema  ef  vera skyldi með öðrum mjög  kærum vini  fyrir örfáum dögum síðan.  Við  semsegt  tókum þá ákvörðun að  slá  þessari  veiðferð  uppí  skemmtiferð  og  við  fengum Lax,  að vísu ofan á brauð á  Cafe  Hellnar  í fjörunni.   Það  kaffihús  er  sennilega í einhverju  magnaðasta umhverfi  sem um getur  á   í  það minnsta á Íslandi.  Við  fengum frábærar veitingar á Hellnum.   Víð  kíktum aðeins til  Guðrúnar Bergmann  á  Hótelinu  og  hún  geislaði af sinni  fegurð  og  gleði   sem ég  þekki hana  af ..  Frábær  kona  sem búin er að vinna  stórkostlegt  starf  á Hellnum ásamt  samverkafólki sínu.

Rúsínan  í  pylsuendanum var svo að keyra  eins  langt og við  komumst  uppá  Snæfellsjökul  og  það  var  magnað að koma þar,  ég  stefni að því að  ganga á hann einhverntíma síðar þ.e.a.s. á  toppinn þegar verður fært..

Ég  er  þakklátur  fyrir að eiga  vini eins og Hákon Má sem  gera  manni  kleyft  að  eiga jafn frábæran dag og  daginn í  dag..   ég  átti   líka  ákaflega  gott símtal  við  annan  kæran  vin  í  dag  sem er mér ómetanlegt.. 

Dagar eins og  dagurinn í dag  færa mér heim  sanninn  um hversu  ríkur ég er  með  svona vini.  

Takk fyrir daginn.

Magnús G..

 

08.08.08.

Talan  átta  er  ekki bara  falleg,  heldur er  hún mikil  happatala,  sérstaklega í Kína  enda  engin  tilviljun að Olympíuleikarnir  hófust í  dag kl. 0808,  meira  að  segja.   Ég  held  að  þessi  talnaruna  sé  ekki bara  happatala  í  Kína  ég  held að hún sé það  líka í Kópavogi.   Dagurinn í  dag hefur verið mér  afar  ánægjulegur  og  gefandi  og  verður  mér  ógleymanlegur.  Það  er  ljóst  að  talan  8  verður  í meira  uppáhaldi hjá mér  hér eftir..   

Hafið það eins og  þið viljið  á  hinsegin dögum..

Magnús G  

Heilræði dagsins....

Ef  þú  metur þig lágt,

þá  getur þú  verið vissu um

að heimurinn hækkar ekki verðið..

 

Hafið það eins og  þið viljið

Magnús G. 

 

Þeir dóu ekki ráðalausir..

drengirnir  sem voru að  spila  fótbolta  á  Batta vellinum  i  Kórahverfinu  í  Kópavogi um daginn.. Nokkrir  10  ára guttar voru að leika sér  í  fótbolta á  vellinum,  þegar nokkrir  fullorðnir  menn  mættu á  völlinn og  ráku þá  í  burtu  og  byrjuðu að leika sér í  fótbolta.   Þeir  stuttu  létu  þetta ekki yfir  sig  ganga og hringdu í  Lögguna  sem kom  á staðinn  rak  þessa fullorðnu útaf  og  afhenti  þeim sem fyrir  voru völlinn  aftur.  

Þetta  kalla  ég að  bjarga  sér  og  láta ekki  ganga yfir sig á skítugum skónum,  frábært  hjá ykkur strákar,   áfram  Breiðablik..

Hafið það eins og  þið  viljið 

Magnús G.

P.S.  Stórleikur á  Kópavogsvelli  í  kvöld  Breiðablik - KR      allir að mæta og fyllum báðar stúkurnar. 

Skrapp út að hjóla sem ..

er  nú  varla í  frásögur færandi á þessum bæ.   Ég  nýtti mér  góða  veðrið  í  dag  of  renndi mér í Hafnarfjörð  og  kíkti á höfnina  og  ætlaði  í  raun að taka mynd af bát  sem ég  sá þar um daginn.  Bátuirinn heitir því  fallega  nafni  Sigrún Ásta  alveg  eins  og  dóttir mín  og  það  vill svo  til að  að ég myndir af  Guðjóni  VE,  Hákoni  ÞH  (þessum gamla) og  Helgu  RE  og  hélt  að  ekki væri  til  neinn bátur sem héti  Sigrún   hvað  þá  Sigrún Ásta.. Sigrúnu  Ástu  fann  ég  ekki,  hún var  sennilega á  sjó,   en  ég  fann  þennan í  staðinn,  sjá  mynd.. 

Hafið það eins og þið viljið 

Maggi Guðjóns 

 

 

Skagafjörður, Þorlákshöfn og Kópavogur eru

ekki  í  textanum  fræga  um  Þingeyri, Flateyri og Bolungarvík  sem eru fyrirheitnir staðir eins og allir  vita  og  þangað er alltaf gott  koma..  Við  Hákon  minn  fórum eftir planinu  svona  næstum því,  því við ætluðum að  veiða  meira  en við gerðum,  en þetta  bjargaðist  nú  alveg.   Víð  áttum frábæran  tíma  saman við Norðurá og  skoðuðum hana nokkuð vel og  settum í  nokkra  fiska  en lönduðum bara einni  fallegri  sjóbleikju  og  við  erum bara  sáttir við  það.    Við  semsagt  komum til  þeirra  heiðurshjóna  Drífu og  Fúsa á  Uppsölum  í  Blönduhlíð,  en þar liggja nú  rætur Hákonar  enda  afi hans Halldór  uppalinn á Uppsölum.  Það  var  tekið  á  móti  okkur  eins og forsetanum með  kaffi og kruðerí i   og  þannig  var  það  í  þennan  rúma sólarhring  og  erum  við  uppmeð okkur af  svona  trakteringum,  takk fyrir okkur  kæru hjón..    Við  viljum líka  þakka sérstaklega  fyrir skemmtilegan göngutúr  í  gilið  og  að  fossinum,  að  ég held  í  Kotá  en  þar urðum við  vitni að  enn einni  náttúruperlunni  sem  leynist við  þjóðveginn,  en maður þarf að ganga í  10 - 15 mínútur til að sjá  fegurðina, frábært  framtak að sýna okkur þetta, takk.

Við  ókum í  bæinn á  laugardagskvöldið og  komum við í  Tjarnarbrekku í  Víðidal  og tókum einn kaffibolla með  vini okkar  Hákoni  Má  matreiðslumeistara  sem  er að elda þar í nokkra daga  og  skildum eftir eitthvað  af  veiðidóti  þannig að hann gæti  vonandi veitt í  dag  ef  tími gæfist til. 

Á  sunnudagsmorguninn kl.  dimmt  fórum við á  fætur og fórum í  Þorlákshöfn,  þann fína  stað og  Hákon tók  þátt í  Golfmóti á  ULM.  Honum gekk mjög  vel og það var ánægjulegt  að  fá  að vera  kylfusveinn  hjá  svona  fínum golfara  sem hann er orðinn.   Við eyddum svo  deginum  við  að  horfa  Breiðablik spila nokkra leiki í  fótboltanum.   Þetta  er semsagt  búin að vera  frábær verslunarmannahelgi fyrir  okkur feðga.  Nú er  hann kominn á  Flúðir  með  Alfonsi  vini sínum  og  ég að chilla  í bænum.   Get  ekki  klárað  þessa Verslunarmannahelgarbloggfærslu án  þess að  minnast á  frábært  kvöld  sem ég  átti á  veitingahúsinu Caruso  í  gærkvöldi   í  frábærum félagsskap. 

Mér  skilst að umferðin hafi   gengið  nokkuð  vel  um helgina  og  að  ekki hafi orðið  mikið af  ölvunarslysum   sem ég hef heyrt um og fyrir það skulum við vera þakklát.. 

Hafið  það eins og þið  viljið  og  ég óska öllum ferðalöngum gæfu á  leiðinni heim og  góðrar heimkomu. 

Magnús G.   

Skagafjörður, Þorlákshöfn og  Kópavogur er líka fyrirheitnir staðir ....

Smelli inn mynd af Hákoni, Fúsa og Drífu á leið yfir ána  á leið um gljúfrið

 

Við Hákon Örn...

ætlum að leggja land undir fót  á morgun  og  halda á  æskuslóðir  afa  hans í  Skagafirði,  nánar  tiltekið í  Blönduhliðina.   Við  erum búnir að fá  húsaskjól á Uppsölum  og  við  ætlum að  veiða í Norðurá  á  laugardaginn..   Mig  er  lengi  búið að langa  til að kíkja á þessa  á aftur.. en ég  reynda að  veiða þar fyrir 25 árum síðan  án  árangurs  enda búnaðurinn sem ég átti á þeim tíma  ekki vænlegur til árangurs.   Drengurinn  knái átti  hugmyndina  að  veiðferð  um helgina  og  við  förum í  Norðurá og freistum gæfunnar..

Síðan á sunnudaginn er  stefnt að  því að fara  í  Þorlákshöfn og  taka  þátt í golfmóti  fyrir  10 ára  á ULM  sem haldið er um helgina í Höfninni... Hákon er hörkugolfari  og  ég verð  caddy enda  kann ég lítið sem ekkert í golfi og er bara sáttur  við  það  ennþá  allavega.

Við  ætlum semsagt  að  leika okkur um helgina og  njóta þess að eiga hvorn annan  feðgarnir.

Hafið það eins og þið viljið  um þessa helgi og alltaf. 

Magnús G 

Veðrið er

aðalumræðuefnið þessa  dagana eins og  svo  oft  áður á Íslandi,  en nú  vegna þess að það er svo  gott en ekki vont  eins  og oftar  verður mönnum  að  umræðuefni..  Veðrið  í  sumar hefur verið  frábært,  bæði  fyrir fólk  og  gróður og  ekki  síst  fyrir  árnar  sem hafa haldið  vatnsmagninu  og  eru að  gefa af  sér  ótrúlega  veiði  víðast  hvar..   Ég  man  eftir hitabylgjunni í  Ágúst  2004 þar  sem metin voru sett  sem féllu í  gær  og  ég  man líka eftir  hitabylgjunni  1976  sem var  svo  óvenjuleg  að  hún  er  mér  allavega mjög  minnistæð.   Ég  hef  verið svo  heppinn að hafa haft  tækifæri  til að njóta  veðurblíðunnar  og  í  fyrrakvöld  átti ég  ógleymanlegan  göngutúr  um  Garðabæ - Álftanes  og  var  svo  heppinn  að  sjá sólsetrið  og  rómantíkina  sem fylgdi því.  Í  kvöld  fór  ég í  hjólatúr   og  hjólafélaginn minn  hafði  á  orði að  þetta  væri  miklu líkara  því að vera að hjóla  niðri  í Evrópu  en í  Kópavoginum af  því að hitinn var svo  notalegur,  frábær  hjólatúr,  í  frábærum félagsskap, í  frábæru veðri.. hvað  meira  getur maður farið fram á. 

Framundan er verslunarmannahelgin, mesta  ferða og  fylliríshelgi  ársins   og  ég þá  von  heitasta að enginn fari sér að voða og  allir komi heilir heim, bæði á sál og líkama. 

Víð  Hákon Örn erum ekki búnir að ákveða  hvað við gerum um helgina  ennþá  en það er líka nógur tími  til þess..

Hafið það eins og þið viljið í  góða veðrinu..

Magnús G. 

P.S.   verð  að segja að  ég  heyrði á tal tveggja  kvenna í dag  og  ég gat ekki  annað en  vorkennt þeirri  sem var að kvarta  yfir því að veðrið væri  allt of gott.    Þetta  minnti  mig á  að; 

viðhorf  er  bara  mikilvægt,  það  skiptir  öllu  máli.. 

 

Skrapp á heiðina..

í  tvo  daga i  fínum  félagsskap.   Heiðin er náttúrulega  Arnarvatnsheiði, þar  sem vötnin eru óteljandi og og  náttúran  stórfengleg  í  faðmi  jöklanna. Við  félagarnir  fórum norðurleiðina  svokölluðu  þ.e.a.s. uppúr  Miðfirði  og  fram  Austurárdal og að  Arnarvatni  stóra.   Við  vatnið eru ágætis  hús sem hægt er  að leigja  og  ekki væsir um nokkurn mann í  þeim.   Verðrið  var  frekar  óhagstætt  til fluguveiða,  strekkingsvindur báða dagana  og  það er  erftitt  þegar maður er með  léttar  græjur en  okkur gekk  samt  vel.    Við í  raun  veiddum  nánast eingöngu í  Skammá  sem  er  bara  einn hylur  og  rennur í  Arnarvatn Stóra  úr  held  ég Réttarvatni.  Við  vorum  þrír  saman  ég  og  Magnús Þórarinsson og Svanur Guðmundsson  og  fengum  við  35  fiska þessa  tvo  daga  sem við vorum við sem  reyndar  var nú  bara  einn dagur og  svo  2 tímar í  gærmorgun.  Fiskarnir  sem við  vorum að  veiða voru á bilinu  0,7 kg og  uppí  3,2 kg.  og mikið af  ca. 2 kg.  fiski. 

Hugsið ykkur að  eiga  svona  perlur  eins og Arnarvatnsheiðina  og  auðvitað  margar  aðrar  um land allt  og  að  við  skulum geta  farið og notið  þeirra,  þetta eru  forréttindi  sem ekki  margar sem búa  erlendis  búa  við.    Við  keyrðum svo suðurleiðina  heim  þ.e.a.s. niður í  Borgarfjörð  og eru  þetta  nánast  sami  tími sem tekur að fara hvora leiðina sem er.

Frábærir  dagar  og  ég  fer örugglega aftur í  sumar  á  Heiðina.

Hafið það eins og þið viljið..

Magnús G.   

Svanur með  eina  rúmlega 3 kg. 

Með hverjum heldur þú....

ég  hef verið svo heppinn að  hafa  nokkuð rúman tíma  fyrir  sjálfan mig undanfarnar vikur  og  hef  nýtt  hann til  andlegra og  líkamlegra  endurbóta.   Ég  hef  notað  hjólið mitt óspart og gönguskóna  og  þegar ég geng  er ég eins og  unglingur með  ipod og  allt.. 

Það  hefur  valdið mér  áhyggjum um nokkurt  skeið  hvert  þjóðin  stefnir í  lífsstílnum og  hvernig  börnin  okkar  eru að þyngjast  óhóflega  þrátt fyrir  vaxandi  framboð  á  hreyfingu allt  árið.   Ég  var  þar  til fyrir einum 6 árum á leið til  heljar (líkamlega og  andlega)  vegna  lífsstílsins  sem ég  hafði,   ég  notaði  og  mikið  áfengi,  ég  reykti, borðaði  "hollan" íslenskan mat  sem  færði  mér  rúm  20  aukakíló að  bera  alla  daga og  allar nætur..  með  tilheyrandi  heilsukvillum eins og  liðverkjum, vöðvabólgu,  ofnæmi,  brjóstsviða,  síþreytu,  orkuleysi,  þunglyndi,  félagsfælni  og  eflaust  eitthvað  meira..   Ég  var  heppinn,  það  settist  engill á  öxlina á  mér  2002  og  ég  fór að  snúa blaðinu við,  hægt en örugglega  og  þið  getið lesið um árangurinn í  bloggfærslunum hér fyrir  framan af  hjólatúrum og  fjallgöngum-nýtt líf.. 

Ipodinn  nota  ég  til að hlusta  á  mér vitrari menn,  eins og  Jack Canfield  sem  sagði  í morgun,  niður í  Elliðaárdal;  "líkaminn  kallar  á  banana  en  þú  sendir honum  gosdrykk og  er  skrítið að líkaminn efist  um með  hverjum þú  heldur" 

Við  fáum bara  einum líkama  úthlutað,  hlustum á hann,  hugsum um hann  og  gefum honum það sem  hann  biður  um.    Við megum ekki  láta  litla  líffærið í munninum sem heitir  tunga,  stjórna  heilanum þegar kemur  að  þvi að  þjóna líkamanum og  næra hann rétt..

Nú  til  dags  eru  endalausir  möguleikar til að borða  holla fæðu og  fá  þau  fæðubótarefni,  vítamín og  steinefni  sem við  þurfum,  höldum með  sjálfum okkur og  tökum ábyrgð.....

Annars  hafið það eins og þið viljið 

Magnús G