Merkisdagur í dag..

Í  dag  er  mikill  merkisdagur  í  Íslandssögunni,  fyrsta  Kaupfélagið var stofnað á  þessum degi   1882  og  svo  var  Samband  Ísl.  Samvinnufélaga  einnig stofnað  á  þessum degi  1902.   Fyrir  mann  eins og  mig  sem  í  raun er  fæddur  og uppalinn  í  Samvinnuhreyfingunni,  þá  vekur þessi  dagur nú  alltaf  upp  góðar  minningar.   Ég  hef  stundum velt  því  fyrir mér,  ef  að  menn myndu skoða  sögu samvinnuhreyfingarinnar  á  Íslandi  af  sanngirni og  án  þess að blanda  flokkspólitík  inni hugsanir  sínar, hvort að  niðurstaðan  væri  ekki  sú,  að   stofnun  kaupfélaganna og  félaga á  þeirra vegum,  vegi  ekki  hvað  þyngst í  sjálfstæðisbaráttu þjóðarinnar  á  síðustu öld.   Kannski  lögðu  samvinnufélögin grunninn að velmeguninni  sem  við  búum við í  dag.    Gríðarlega  miklar  breytingar hafa orðið  á  efnahagslífinu á  Íslandi  á  undanförnum árum,  samvinnufélögin  flest eru  hætt starfsemi,  þeirra  hugmyndafræði  hætti að henta fólkinu  og  félögin  náðu  ekki að aðlaga sig  að breyttum aðstæðum  á  réttum tíma  og  því  fór  sem fór.   Landsbyggðin  á  meiri  varnarbaráttu  nú  en  nokkru  sinni fyrr  og  þúsundir  manna  flytja  á  höfuðborgarsvæðið  árlega  af  landsbyggðinni.   Í  dag eru  nokkrar  fyrirtækjablokkir í  eigu örfárra einstaklinga  sem  eiga  nánast  allt  atvinnulífið  og  stjórna nánast  öllu  á  Íslandi,  fjármagni,  fiskveiðum, verslun,  flutningum á sjó, landi og  í lofti,  fjölmiðlum  og  svo  mætti  lengi  telja. 

Kaupfélögin um land  allt  og  Sambandið í  Reykjavík og  á  Akureyri  ráku  umfangsmikla atvinnustarfsemi  fast  að  einni  öld  og  ég  er  einn af  þeim  heppnu  að  mér  finnst að  hafa fengið  tækifæri  til að kynnast  Samvinnuhreyfingunni  vel.  Ég  fékk  m.a.  tækifæri  til að sitja í  stjórn  Sambandsins  fyrir  hönd  starfsmanna  þess  á  árunum  1984 - 1987  og  það  var  mikil  lífsreynsla  fyrir  ungan  mann  að  fá tækifæri til að sitja í stjórn stærsta  fyrirtækis  landsins á þeim tíma..

Ekki  veit  ég  hvort  Samvinnuhreyfing  gengur í  endurnýjun  lífdaga  á  Íslandi  aftur ? ,  kannski í   einhverri  mynd  ef  fólki  ofbýður  eins og  fyrir  rúmum  100 árum  þegar menn tóku sig  saman og stofnuðu  kaupfélögin.   Ég  reyndar  held  að  þessi  þróun sé  hafin erlendis  og  komi  fram  nú  í  formi  MLM (Multi Level Marketing )   fyrirtækja  sem  vaxa  í  raun með  miklum hraða viðast hvar í  heiminum. 

Annars  vil  ég nota tækifærið og  óska  tveimur  heiðursmönnum til hamingju með afmælið í dag,  þeim  Halldóri  Bjarnasyni fyrrverandi tengdaföður mínum  og  Gunnari Erni  Gunnarssyni  bakara og  samstarfsmanni  í  nokkur  ár  sem  er  50 ára dag..

Hafið það eins og þið  viljið 

Magnús G 

 

Laugardagurinn sextándi febrúar..

Síðast  þegar  ég  bloggaði  var  ég  staddur í Vestmannaeyjum,  alltaf  gaman að koma til Eyja.  Mikið  vatn  er  til  sjávar  runnið síðan í  síðustu  bloggfærslu  og  best  að  reyna  að  standa  sig  eitthvað  betur  á  bloggsviðinu..  Það  er  nú  ansi  margt  sem  er  í  huga  mér núna og  kannski  ekki hvað  síst  nöturleikinn  sem blasir  við  Sjálfstæðisflokknum  þessa  dagana.  Ég  er  nú  ekkert  sérstaklega  pólitískur  þó  ég  kjósi  nú  alltaf  og  hafi  stundum  skoðanir  á  hlutunum.  Fyrir  nokkrum  vikum  síðan  skellti  varaformaður  sjálfstæðisflokksins  því frá  í  beinni  að  Framsóknarflokkurinn  væri  að stúta  sér  sjálfur  með  innbyrðis  deilum   og  ágreiningi og  mér  fannst  ekki  laust  við  að það  hlakkaði í  Þorgerði  Katrínu  þegar hún  sagði  þetta.  Það  var  töluvert  til  í  þessum orðum  Þorgerðar,  sem  ég  reyndar  tel,  að  sé  nú  einn af  skárri  stjórnmálamönnum  þjóðarinnar  svona  fyrir minn  smekk.   Það  er  ljóst  að  Framsóknarflokkurinn á  miklum vanda  og  þarf  að  taka til  hjá  sér  ef  hann á  ekki að lognast  útaf á  næstu  árum.  Það  sem  mér  finnst  hinsvegar  nöturlegt  að  horfa  uppá  að  flokkur  þessa sama  varaformanns  sem hafði  þessar  áhyggjur  af  Framsóknarflokknum,  virðist vera  á  sömu  leið,  að stúta  sér  innanfrá,  hjálparlaust.    Það  veldur  mér  áhyggjum  að  það  skuli  ekki  vera  nokkur einasti  leiðtogi  í  sjálfstæðisflokknum  sem  tekur  afstöðu í þessu  borgarklúðri  öllu  saman,  að  vísu fannst mér  Bjarni  Ben  sína  smá  lit  í dag.   Það veldur  mér enn meiri  áhyggjum  ef  forystuflokkur í  ríkisstjórn er  leiðtogalaus og  ég  óttast  afleiðingarnar. 

 Annars  er  ég  búinn að hafa  það gott að  undanförnu,  hef  haft  mikið að gera  og  er að vinna í  krefjandi  verkefni  þessa dagana sem á  nánast  alla  mina athygli.  Ég  veit  að  næsta  vika  verður erilssöm  og  krefjandi  og  ég  hlakka til að takast á við þau  verkefni sem bíða  mín.   

Ég  fór á alveg  hreint  frábæra tónleika  í dag í  Langholtskirkju.   Þessir  tónleikar  voru  með  Skagfirsku söngsveitinni,  Óperukórnum,  mini  sínfoníuhljómsveit, nemendakór  og  Cortes fjölskyldunni.  Flutt  var  tónverk  er eftir  Björgvin  kórstjóra  Skagfirsku við  ljóð  eftir  Bjarna Stefán Konráðsson.     Stjórn, einsöngur, kórsöngur og  allt  þetta  samspil  var  bara alveg  frábært   og  hin besta  skemmtun. 

Læt  þetta duga í  bili,   hafið  það eins og  þið  viljið 

Magnús G....

Set  hérna inn mynd  af  drengjakór  frá Fáskrúðsfirði sem steig á svið seint á  sjöunda áratugnum.

   

Kominn til Vestmannaeyja.....

Ég  er staddur í  Vestmannaeyjum,  þarf  á  fund  hér  í  kvöld.   Hér  er  snjókoma og þurftum  við  að  vera  í  "hangi"  hér við  eyjarnar í  10 mínútur,  bara  og að koma  til  Heathrow, nema  hér var él  en  ekki traffik..  Það er  er  alltaf  gott að koma  hér  og  ég  dáist  alltaf  af þessu  góða  fólki sem byggir Heimaey.   Það  eru rétt rúmlega  35  ár  síðan  gosið  hófst  hér  og  ég man það svo  vel þegar  ég  heyrði  fréttirnar af gosinu,  sennilega  vegna  þess  að  frændfólk  mitt  bjó  eiginlega  bara við  sprunguna sem myndaðist.    Ég  var  hér  í  sumar  sem leið á  Shell mótinu og  hér var Bongo  blíða  alla dagana  en  nú  er  hér  töluverður snjór  og  gengur  á  með  éljum..   

Verð  eyjaskeggi  í  eina  nótt og kem uppá  land  á í  fyrramálið  annaðhvort  fljúgandi eða siglandi,  fer  eftir  veðri,  mér  gæti  ekki verið  meira sama um hvora  leiðina  ég  fer,  mér líður  vel hvort  sem er á sjó  eða  fljúgandi.  

Ég  get  varla hjá  því  komist  að  minnast  á  hið  gríðarlega  afrek  sem  starfsmenn  Landhelgisgæslunnar  á  Varðskipinu Óðni  unnu þegar  þeir  björguðu  tæplega  20  manns  af  breskum togara  í Ísafjarðardjúpi.  Ég  var svo  heppinn á  árum áður að  fá að kynnast og vera  með  þessum hetjum á  sjó og  ég  er  nokkuð  viss um að  menn  hafa  ekki oft  sett sig í meiri  hættu fyrir aðra en í þetta  skiptil.  Reyndar  varð  mikill harmleikur  þessa sömu nótt  þegar annar  breskur togari  sökk á  Ísafjarðardjúpi  og  svo  Heiðrún frá  Bolungavík  sem fórst með  6 mönnum að mig minnir..  mikið  högg fyrir þann bæ á þeim tíma.   Þetta  er  örugglega  eitt  af  mannskæðustu veðrum sem gengið hafa yfir á Íslandi.

Hafið  það  eins og þið  viljið 

Magnús G 

Vestmannaeyjar í sól og  sumaryl.

Markmið, til hvers að setja sér markmið ?

Mér  er  eitthvað  svo  hugleikið  þetta með  markmiðin  þessa  dagana,  kannski af  því að  ég er ekki búinn að klára  að  setja  upp markmiðin  mín  fyrir árið  2008.  Undanfarin  ár  hef  ég  sett mér  skýr  og  skriflega  markmið  um flesta  hluti,  heilsuna,  fjölskylduna, fjárhaginn ofl. ofl  og  ég  verð  að segja að þetta  hefur breytt ótrúlega miklu  fyrir mig.    Það  er  skemmtilegt hvað margir  eru farnir að gera  þetta  og  ná  þannig  fram  meiri  lífsgæðum fyrir  sig og sína.   Sagan segir að  u.m.þ.b.  4 %  jarðarbúa  setji  sér markmið  og  hin  96 %  vinni  svo hörðum höndum að  því að þessi 4%  nái  sínum markmiðum.   Máltækið  segir að  þeir  sem ekki setja  sér  markmið,   eru dæmdir  til að vinna  fyrir þá  sem  setja sér markmið. 

Málið  er  ekkert  flókið,  við  eigum val,  val um að vera  í  4%  hópnum eða  hinum  hópnum.   Annars  höfum við það  bara  gott  ég og strákarnir  Hákon og  Darri  sem  er í  gistingu hjá okkur núna,   Harry  Potter  æði  er  að  ganga yfir hér  hjá  okkur, bækurnar lesnar  og  myndirnar  skoðaðar  og  mikill  tími  fer í Harry  þessa  dagana.    Verð  aðeins  að  minnast á Skype´ið  þetta  undrakerfi  sem  gerir  okkur  nútímafólki  kleift að  vera í  sambandi  fyrir  mjög  lítinn tilkostnað.   Ég var að koma úr  fjölsímtali  við  tvo  gamla og góða  vini  til  margra  ára,  annar  býr  í  Canada og  hinn austur á  héraði og  við  vorum allir  inni  í  einu,  frábært  kerfi skype. 

Febrúar  byrjar  vel  og  ég hlakka til að takast á við mörg  krefjandi  verkefni sem  bíða  mín   og  ég er alveg  viss  um að Febrúar  verður mér góður  mánuður...

Hafið það eins og þið viljið og munið eftir markmiðunum..

Magnús G.