Endurnýjun

Í vetur sem leið nýtt ég tímann nokk vel og tók mig til og sótti ein 7 námskeið á vegum Slysavarnaskóla sjómanna og Tækniskólans (Skipstjórnarskólans) í þeim tilgangi að endurnýja skipstjórnarréttindin mín sem ég aflaði mér fyrir næstum 30 árum síðan, ótrúlegt en satt.  Þessi námskeið voru öll fræðandi og flest skemmtileg og kom mér á óvart hvað mikið sat eftir frá sjómannsárunum sem í raun lauk 1984 en það var í síðasta sinn sem ég var skráður á skip sem stýrimaður,  25 ár eða hálf ævin.  Námskeiðin sem ég sótti voru;  Grunnnámskeið í slysavarnaskólanum, líf og léttbátar, lyfjakistu  og framhaldseldvarnir,  allt  fræðandi og skemmtileg námskeið sem búa mann undir erfiðar aðstæður ef þær koma upp.  Námskeið sem þessi þekktust ekki þegar ég var á sjó, að undaskildum, skyndhjálparnámskeiðum, veru  á slysadeildinni og eldvarnarnámskeiði sem var hluti af stýrimannsnáminu á sínum tíma.  Þessi námskeið tóku 13 virka daga með hléum, hvert námskeið frá 2 - 4 daga.  Námskeiðin í Tækniskólanum voru 3,  GMDSS  sem er fjarskiptanámskeið sem tók 8 virka daga eða 2 vikur og kemur í staðinn fyrir að hafa Lofskeytamann um borð í skipunum,  ARPA samlíkir og Ratsjárnámskeið og að lokum Endurnýjun skipstjórnarréttinda.   Þessi námskeið hvort um sig tóku 3 daga og voru bráðskemmtileg og munu örugglega nýtast mér vel.  

Það er í raun ótrúlegt að hugsa til þess að maður þurfi að eyða næstum einum og hálfum mánuði í vinnu og greiða  rúmlega 500.000,00 kr. til að endurnýja atvinnuréttindi sem tók um 6 ár að afla sér hér áður fyrr.   Reikna má með heildarkostnaður einstaklings við svona endurnýjum með vinnutapi sé ekki langt frá 1.500.000,00 kr

Ég hinsvegar sé ekki eftir hvorki tímanum né peningunum í þessa endurnýjun og í sannleika sagt þá leið mér ótrúlega vel að fá loksins skírteinið mitt í hendurnar í vikunni.  Þessi atvinnuréttindi veita mér enn meira frelsi en ég hafði áður og það finnst mér gott..

Nú er bara að sjá hvort einhver treystir manni fyrir skipi og áhöfn - það kemur í ljós. 

Ég get í það minnsta titlað mig sem Skipstjóra og eða Capt. Guðjónsson hvort sem er hér eða á erlendri grundu því réttindin eru alþjóðleg.

Þetta er bara skemmtilegt og ég er pínulítið montinn yfir þessu.

Hafið það eins og þið viljið  og njótið helgarinnar.

Capt. Gudjonsson

Hér er sönnunin, skírteinið sjálft..

Athugasemdir

[Gunnlaugur Ingvarsson (IP-tala skráð) 29.5.2009 kl. 17:17]

Til hamingju með teinið Kapteinn Guðjónsson.

Gaman að rekast á þig hérna á mbl blogginu gamli.

[Magnús Guðjónsson, 29.5.2009 kl. 17:22]

Þakka þér Gunnlaugur, sömuleiðis.   Ef ég man rétt þá skrifaði ég í gestabókina þína á Djúpavogi fyrir rúmum 25 árum að ég væri skipbrotsmaður af Skaftafelli, en við tókum okkur 12 tíma hlé á siglingu um Hornafjarðarós, á leiðinni frá Höfn á Djúpavog. 

[Svana (IP-tala skráð) 4.6.2009 kl. 09:40]

Hjartans hamingjuóskir með skirteinið Capt.