Góður gangur í Vestmannaeyjum í dag..

hjá Hákoni og  félögum í  A liði  Breiðabliks.   Þeir  unnu  alla  leikina  í  dag  nokkuð sannfærandi  þó  þeir hafi verið  miserfiðir.  Keflavík  unnu þeir 6 - 0,  Skagann  7 -1  og  Þór 4 - 0.   Vænta má  erfiðari mótherja  á morgun og að  leikirnir verði  jafnari.   Hákon  hefur átt fína  leiki í  nýrri  stöðu  á  vellinum,  annarsvegar í  markinu  í  2  leiki og  einn leik  sem aftasti  maður í  vörn,  venjulega  hefur hann spilað sem fremsti maður í sókn.    Veðrið  hefur verið  indælt, nokkrir  skúrir hafa  fallið á okkur í  dag  en  milt og hægt  veður annars  og  engum til ama..  Þetta mót  er  frábærlega skipulagt  af  IBV  og  ekki síður af fararstjórunum okkar  hér  í  Breiðabliki  þeim Ingu Gísla  og Möggu  Skúla.

Ég  hlakka til  morgundagsins  og  fá  að  stússast í kringum strákana og taka  myndir  af leikjunum,  myndirnar getið  þið  séð inná  www.shellmot.is  og svo rekið þið ykkur áfram inní Breiðablik.

Hafið það eins og þið  viljið 

Magnús G

Mynd  tekin af  strákunum fyrir fyrsta leik í morgun..

Athugasemdir

[Sigrún Ásta (IP-tala skráð) 27.6.2008 kl. 09:40]

Vildi að ég gæti verið með ykkur þarna, hugsa bara sterkt til ykkar.

Áfram Breiðablik