Hver stjórnar SÍ

ég er nú farinn að halda, samkvæmt þessu að það skipti engu máli hver er Seðlabankastjóri ef  IMF ræður öllu um peningmál á Íslandi.  Það er rosalegt sjálfstæði að ráða ekki einu sinni hvaða stýrivextir eru í landinu.  Við verðum að fara að fá fólk í SÍ sem getur talað máli þjóðarinnar við IMF  af þekkingu og með rökum sem þeir skilja.   Ég  held að Vilhjálmur Egilsson væri góður kostur fyrir okkur sem Seðlabankastjóri, hann hefur þekkingu á þjóðlífinu, er hámenntaður hagfræðingur, hefur unnið hjá IMF  ef ég man rétt, eða verið í stjórn IMF.  En síðast en ekki síst þá treysti ég honum til að stýra SÍ af skynsemi.

Hafið það eins og þið viljið ..

Vilhjálmur: Óskiljanleg ákvörðun

Ég sem hélt að

Ferðamannaiðnaðurinn væri ein að þessum stoðum sem gætu hjálpað okkur að skapa fleiri störf og afla þjóðinni aukins gjaldeyris.  Er ekki einhver skammsýni í gangi hér.   Kreppan fer ekki þó við gefumst upp fyrir henni,  nýtum frekar allar okkar matarholur.

 

Skrifstofum Ferðamálastofu lokað

Þá er bara að byrja

,að byrja á endurreisninni.   Þetta er fullkomlega eðlilegt framhald af atburðum síðustu vikna.   Nú getur þjóðin tekið höndum saman og byrjað að byggja upp á nýjan leik.  

Nú er ríkisstjórnin frá  og nú reynir á okkur, þjóðina og þá miklu samvinnu sem verður að vera á næstu vikum, mánuðum  og árum til að við getum haldið reisn okkar sem þjóð. 

Stöndum saman og vinnum saman að endurreisninni.

 

Nú eigum við leik. 

Hafið það eins og þið viljið

Magnús G.

Stjórnarsamstarfi lokið

Utanþingsstjórn strax

Afhverju í ósköpunum reynir nú ekki ríkisstjórnin og ríkisstjórnarflokkarnir að sýna okkur smá virðingu, fólkinu í landinu.  Að standa hér í einhverjum hrossakaupum um hver eigi að vera hvað og hver eigi að víkja fyrir hverjum er hreinn dónaskapur við þjóðina.   Ljóst er að leiðtogar ríkisstjórnarinnar eru báðir veikir, ekki veit ég hversu mikið, en ég óttast að það sé alvarlegra en látið er í ljósi.  Því miður treysti ég því ekki að verið sé að segja mér satt um raunveruleg veikindi þessa ágæta fólks.  Það er svo margt sem sagt hefur verið af stjórnvöldum undanfarnar vikur, mánuði og ár sem er tóm vitleysa þegar á reynir. 

Við lögðum til eftirfarandi utanþingsstjórn um daginn og gerum það aftur hér með.

Ólafur Jóhann Ólafsson framkvæmdastjóri,  forsætisráðherra og upplýsingamálaráðherra (PR)

Jón Sigurðsson  fyrrverandi viðskiptaráðherra, seðlabankastjóri og Forstjóri NIB,  utanríkis, dóms og kirkjumálaráðherra. 

Jón Sigurðsson fyrrverandi, seðlabankastjóri, viðskiptaráðherrra og form. Framsóknarflokksins verði, fjármála og viðskiptaráðherra.

Vilhjálmur Egilssson framkvæmdastjóri SA  verði  Sjávarútvegs, landbúnaðar, iðnaðar og umhverfismálaráðherra.

Rannveig Rist  forstjóri Alcan á Íslandi,  verði  heilbrigðis, félags og menntamálaráðherra.

Þessi stjórn á að sitja í umboði alþingis og stjórnmálaflokkarnir eiga að nota tímann til að "taka til heima hjá sér" og setja hagsmuni þjóðarinnar fram yfir flokkshagsmuni og hagsmuni einhverra einstaklinga.   Ég verð eiginlega að segja að mér fannst það hálf ömurlegt að fylgjast með viðbrögðum fjölmiðlamanna við fréttum um veikindi Geirs og hvernig þeir gengu  á erfaprinsa og prinsessur sjálfstæðisflokksins,  nokkrum mínútum eftir þessi tíðindi.  

Það skiptir sem betur fer miklu minna máli fyrir þessa þjóð hver er formaður sjálfstæðisflokksins í framtíðinni,  heldur en verið hefur undanfarið. 

Samfylkingin virðist nú bara hanga saman í kringum Ingibjörgu Sólrúnu  og ekkert annað.  Ég er löngu hættur að botna í þeim og hvaða hagsmuni þeir standa fyrir.   Reyndar verð ég að segja að mér dauðbrá þegar ég sá ISG í sjónvarpinu á Laugardaginn,  hún var ekki mjög frískleg og einhvern veginn fannst mér að hún ætti frekar að hvíla sig. 

Hafið það eins og þið viljið

MG  

Vilja taka að sér verkstjórnina

Óska Geir alls hins besta

í baráttu sinni við það mein sem greinst hefur í honum.   Þetta eru auðvitað sorglegar fréttir fyrir okkur öll og sérstaklega Geir og hans fjölskyldu.   Ég mun senda honum mínar bestu hugsanir og óskir á þessum erfiðu tímum..

 

Geir: Kosið í maí

Glæsilegt

Svona mótmæli virka betur því allir styðja þau..

Appelsínugul mótmæli

Frábært framtak

enda Fjölsmiðjan glæsileg stofnun sem sinnir frábæru starfi með unglingum sem hafa lent útaf sporinu tímabundið.  Til hamingju. 

11 milljóna styrkur til Fjölsmiðjunnar

Aðdáunarvert hjá

þeim sem fóru og vörðu Lögreglumennina í nótt fyrir fámennum hópi "mótmælenda" sem sýndu af sér hrottaskap gagnvart fólki sem er að vinna sína vinnu.   Lögreglumenn þessa lands eru borgarar eins og við og okkur öllum ber að sýna þeim tillhlýðilega virðingu.  Ég tel að lögreglan hafi staðið sig með miklum sóma í þessu ófremdar ástandi og sinnt sínum skyldum vel.   Auðvitað munu koma upp tilvik sem ágreiningur er um og verður um hvort einstakir lögreglumenn hafi stigið feilspor en þau eru örugglega færri en feilspor sumra mótmælenda,  að horfa á "mótmælendur" hrækja á Lögregluna við stör er ósæmandi.   Ef ég væri lögreglumaður og einhver hræki á mig, fengi hann einn á lúðurinn jafnvel tvo.  Sýnum lögreglumönnunum virðingu og gefum þeim frið til að vinna sína vinnu og þá fáum við örugglega að vera í friði fyrir piparúða og táragasi. 

Enn og aftur, ég tek ofan fyrir fólkinu sem tók af skarið í nótt og gekk fram fyrir skjöldu og varði allt of fáa lögreglumenn. 

 

Munu hafa uppi á ofbeldismönnum

Tíminn er liðinn

sem þessi ríkisstjórn hafði til umráða.  Mótmæli sem verið hafa undanfarna sólarhringa eru sennilega í umboði þorra þjóðarinnar, þó það mæti ekki allir á Austurvöll.  Ég held að við verðum að fá starfsstjórn sérfræðinga til að taka til hendinni næstu vikur og mánuði,  fólk sem ekki hefur flokkspólitíska hagsmuni af störfum sínum.  Fólk sem kann til verka og hefur meiri skilning á verkefnunum en þeir sem nú sitja.   Það er sorglegt að horfa  á og hlusta á suma ráðherra ríkisstjórnarinnar reyna að réttlæta störf stjórnarinnar þessa dagana.  

Ég sat með nokkrum mætum mönnum í gærmorgun og við urðum sammála um eftirfarandi utanþingsstjórn fram að næstu kosningum.  

Ólafur Jóhann Ólafsson framkvæmdastjóri,  forsætisráðherra og upplýsingamálaráðherra (PR)

Jón Sigurðsson  fyrrverandi viðskiptaráðherra, seðlabankastjóri og Forstjóri NIB,  utanríkis, dóms og kirkjumálaráðherra. 

Jón Sigurðsson fyrrverandi, seðlabankastjóri, viðskiptaráðherrra og form. Framsóknarflokksins verði, fjármála og viðskiptaráðherra.

Vilhjálmur Egilssson framkvæmdastjóri SA  verði  Sjávarútvegs, landbúnaðar, iðnaðar og umhverfismálaráðherra.

Rannveig Rist  forstjóri Alcan á Íslandi,  verði  heilbrigðis, félags og menntamálaráðherra.

 Ef einhver ráðuneyti eru eftir verður þeim skipt niður á ráðherranna.

 

Hér er á ferðinni fólk sem kann til verka og hefur skilning, reynslu og þekkingu til að takast á við þau risavöxnu verkefni sem framundan  eru á næstu dögum og vikum ...

Hafið það eins og þið viljið

Magnús G.

 

 

 

Ekki hjá því komist að kjósa á þessu ári

Það að staðan sé svipuð og hjá öðrum bönkum

segir nú ekki mikið um það hvort bankinn sé á leiðinni í þrot.  Staða gömlu bankanna  var alveg glimrandi fín fram að falli.  Ég held nú bara að við sem búum í þessu landi og erum í viðskiptum við bankana verðum að vita sannleikann í málinu.  Kjaftagangur um að bankinn sé hugsanlega á leiðinni í þrot er óþolandi og það verður að koma með haldbærar skýringar,  ekki einhvert tal um það staðan sé jafngóð eða kannski jafnslæm og hjá hinum bönkunum.   Það er í raun með ólíkindum hvað stjórnvöld og þar með taldir embættismenn ríkistjórnarinnar, eins og Ásmundur í þessu tilfelli,  bjóða þjóðinni uppá í skýringum þegar þegar kallað er eftir þeim.   Það eru að koma fram æ fleiri sem telja að staða okkar sé miklum mun verri en stjórnvöld vilja vera láta og nú síðast kom Haraldur L. Haraldsson fram með athyglisverðar tölur um heildarskuldir ríksins erlendis.  Samkvæmt þeim upplýsingum eru skýringar Geirs H. Haarde, um greiðslugetu ríkisins, sem ég heyrði í síðustu viku hrein og klár "Geimvísindi" 

Segir stöðu Landsbankans ekki hafa versnað