Systkinadagur í gær..

Í  gær  var  systkinadagur  hjá  okkur  systkinunum frá  Strönd/Tröð  í Fáskrúðsfirði.   Ólöf  María  var  fermd  og allir  á  landinu og  mættu  í fermingarveisluna í   hæsta  veislusal  landsins  sem  er  auðvitað í Kópavogi.   Fermingar  eru  yndislegar  ekki bara  fyrir  unglinginn sem  fermist og  fær      " bunch af money", heldur  ekkert  síður  fyrir fjölskyldurnar  sem standa að  unglingnum og  sameinast á  þessum degi..  Dagurinn  hennar  frænku  minnar  var  sérdeilis  fallegur,  veislustaðurinn sá  flottasti,  maturinn frábær,  tónlistin og  söngur  fermingarbarnsins  í  hæsta  gæðaflokki.  Ég  var  svo  heppinn  að hafa  börnin mín 3  og  mömmu  þeirra  líka  þannig  að  mín  litla fjölskylda  sameinaðist  í  þessa 3  tíma  sem var  bara  yndislegt.    En  um  kvöldið  byrjaði  svo  fjörið,  boðað  var í  Partý  í  Baugakórnum  og  boðið  uppá  léttar veitingar,  fyrir þá  sem vildu.  Þarna  komum  við  saman  öll  alsystkinin  í  fyrsta  sinn í nokkuð  mörg  ár  og  það  var  tekin  mynd sem  birt verður  með  þessu  bloggi..  Þegar  partý ið  stóð  sem hæst  var rennt  á  ball  á  Players  "Austfirðingaball"   og  þar  voru  fyrir ´61  árgangurinn úr  Austurbæ  Kópavogs koma  saman  líka.   Ég  fer  nú  ekki  oft  á  ball  núorðið,  en þetta  var  skemmtilegt  ball og  það  var  gaman  að  hitta marga  bæði  að  austan og úr þessum fína árgangi sem ég  tengdist ágætlega fyrr  á  árum. 

Nú  fer  í  hönd  einhver  mikilvægasta  vika  sem  upp hefur runnið  í  langan  tíma  og  ég  verð að vanda  mig  sérstaklega vel  í  því  sem ég  geri  og geri  ekki þessa vikuna.    Ég  fer  inní  vikuna  fullur  af  bjartsýni  og trúi á  jákvæða  niðurstöðu  í nokkrum  málum.

Hlakka  til  næsta  systkinadags

Hafið það eins og þið viljið 

Magnús G

Athugasemdir

[Bergur Thorberg, 14.4.2008 kl. 00:06]

Frábært. Góð veizla og og gott fólk. Bara smá ábending: Systkini eru bara skrifuð með einu ypsilóni. Þó það skipti öngvu máli. Systkina á milli. Og vina.

[Magnús Guðjónsson, 14.4.2008 kl. 09:20]

Takk  fyrir  fína  ábendingu,  ég  hef  alltaf verið fullmikið  fyrir  Ypsilón  enda  búið  lengi  í  Kópavogi.  

[Solveig Friðriksdóttir, 14.4.2008 kl. 11:39]

Þið eruð bara flott. Góðar kveðjur. Sjáumst við ekki um helgina ?

[Vala (IP-tala skráð) 14.4.2008 kl. 16:12]

Hef fulla trú á að vikan verði þér frábær í alla staði enda ertu bjartur yfirlitum  sendi þér jákvæða strauma.

[Sigrún Ásta (IP-tala skráð) 14.4.2008 kl. 18:16]

Þú tekur alveg rétta ákvörðun ég hef fulla trú á að allt gangi upp hjá þér ;)

gangi þér vel þessa vikuna gamli minn. Heyrumst.