Bloggfærslur mánaðarins, desember 2008

Er nema von að

að ég sé hálfsvekktur.  Ég var búinn að skrifa þessa fínu bloggfærslu og missti hana út fyrir klaufaskap.  En færslan var í meginatriðum um algerlega trausti rúin stjórnvöld.  Hvernig getum við treyst einstökum ráðherrum og ríkisstjórn eftir atburði gærdagsins...

Hafið það eins og þið viljið

Magnús G. Sideways


Hvað er í gangi

Hvernig í ósköpunum getur bankamálaráðherran komist hjá því að vita hverjir eru að rannsaka gömlu bankana.  Mér fannst nú svolítið til þessa unga manns koma þegar hann settist í stól viðskiptaráðherra,  en það hefur nú komið hvað eftir annað í ljós að það er ekki mikið á bak við hans karlmannlegu rödd.  Uppákomurnar í kringum Björgvin viðskiptaráðherra eru fyrir löngu orðnar sorglegar fyrir hann. 

 


mbl.is Björgvin vissi ekki um KPMG fyrr en í gær
Tilkynna um óviðeigandi tengingu við frétt

Naglbítarnir og Lúðrasveit Verkalýðsins

spiluðu í Íslensku Óperunni í gærkvöldi og ég var svo heppinn að vera á staðnum og fá að upplifa þessa einstöku snilld.  Ég hefði hvergi annarsstaðar vilja vera þessa tvo tíma sem tónleikarnir stóðu yfir og  hljómsveitin Árstíðirnar hitaði upp og þar er mjög áhugaverð kassagítarsveit á ferðinni.  Það er ótrúlegt hvað hægt er gera frábæra hluti þegar menn leggjast á eitt og það sýndu þessir snillingar í gærkvöldi,  takk fyrir frábæra tónleika.

Undanfarnir dagar hafa verið hálfundarlegir,  krónan svífur upp á við, gegn öllum spádómum sem menn höfðu um hana þegar hún yrðí sett á flot,  hún tekur skarpa dífu, sögðu menn og svo kemur hún til baka upp hægt og bítandi.  Ég vona bara að þetta verði ekki eins og svo margt annað að blessuð krónan fari í þveröfuga átt við alla spádóma og svifi upp nú í byrjun og falli svo í frjálsu falli aftur.  Ég vona að hún nái einhverju jafnvægi og hangi þar svo fólk fái einhvern stöðugleika í heimilisbókhaldið hjá sér. 

Ég vona að menn fari að taka höndum saman um lausnir á þeim vanda sem við stöndum frammi fyrir,  stjórn og stjórnarandstaða vera að fara að koma sér saman um að endurnýja umboð þingmanna með kosningum í síðasta lagi  á vormánuðum.  Það hlýtur að vera krafa þjóðarinnar að menn taki á og rannsaki ástæður þess að bankarnir og helstu eigendur þeirra, liggja nú undir grun um stórfelld mismerli og misnotkun á stöðu sinni í krafti stórra eignarhluta.  Ekki bara á kostnað minni hluthafa heldur allrara þjóðarinnar,  ef þessar ásakanir eru réttar, sem ég treysti mér ekki til að dæma um,  verður að láta menn axla ábyrgð gerða sinna og gera hugsanlegan hagnað af slíkum svikum upptækan strax.  Það er eins og stjórnvöld hræðist eitthvað í þessum málum öllum og það skelfir mig, sem hélt að ég byggi í einhverju minnst spillta þjóðfélagi í heims. 

Þessar hremmingar sem erum að ganga í gegnum mega ekki verða einskis,  við verðum að læra af þeim og laga til í því sem ekki er í lagi og byggja svo upp frá því sem við höfum.  Ef núverandi þingmenn hafa ekki kjark,  vissulega þarf kjark núna til að taka á málum,  þá verðum við að fá fólk með kjark til verka og það má ekki bíða of lengi.

Hafið það eins og þið viljið..

Magnús G. Whistling


Mikið innilega er ég sammála Frú Vigdísi

þegar hún segir að hrunið mikla hafi komið okkur flestum á óvart.  Ég  hélt alls ekki að bankinn minn sem var líka miklu eldri en ég færi á hausinn á undan mér.  

Ég held að hver og einn verði að skoða eigin samvisku í þessum hremmingum og ef menn eru sáttir við samvisku sína, þá geta menn gengið um uppréttir. 

 


mbl.is „ Særandi að vera sakaður um glannalegar athafnir “
Tilkynna um óviðeigandi tengingu við frétt

Glæsilegt Blikar..

Til hamingju með sigurinn Blikar..
mbl.is Sovic slökkti á Stjörnunni
Tilkynna um óviðeigandi tengingu við frétt

« Fyrri síða

Innskráning

Ath. Vinsamlegast kveikið á Javascript til að hefja innskráningu.

Hafðu samband