Merkileg kona með fallega sýn á málin...

Ég  var  svo  heppinn  í gærkvöldi  að  sjá  þátt Evu Maríu,  þar  sem hún ræddi  við  Kristínu  Pétursdóttur  hugsjónakonu.   Kristín  hefði  eflaust getað  náð  í  hæstu  hæðir  innan  Kaupþings eða í  einhverju öðru  stórfyrirtæki  en  hún  valdi  að  hætta  störfum af því að  hún  hafði  hugsjón.

Ég  hef  alltaf  verið  hrifinn af  fólki  sem  hefur  hugsjónir og  er  tilbúið  að  fórna  efnislegum  verðmætum og  frama  fyrir  þær.    

Eftirfarandi er skrifað  á  heimasíðu  http://www.audur.is/

 Við höfnum því viðhorfi að velja þurfi á milli fjárhagslegrar arðsemi og samfélagslegs ávinnings. Við teljum að það felist fjárhagslegur ávinningur í því að taka samfélagslega ábyrgð. Ef þú ert á sömu skoðun gætum við einmitt verið sá valkostur sem þú hefur beðið eftir.

Ég  er  svo  innilega sammála þessum kjarnakonum sem standa að þessu fyrirtæki,  að  það  felist  fjárhagslegur ávinningur í  því að taka samfélagslega ábyrgð.  Ég  er svo heppinn að geta verið stoltur  af  því að  hafa komið  að  verkefnum,  sérstaklega  erlendis,  þar sem fátækt  er  mikil,  þar  sem  samfélagsleg  ábyrgð  hefur verið  eitt  af  leiðarljósunum.

Ég  vona  að þessi sjóður eigi eftir  að skapa mikil  verðmæti  með  samfélagslegri  ábyrgð,  gangi  ykkur  vel..

Hafið það  bara annars  eins og þið  viljið

Magnús G. 

Kristín Pétursdóttir forst.  Auður Capital

Athugasemdir

[Fríða Bára Magnúsdóttir, 16.4.2008 kl. 13:42]

Sæll Magnús. Var að vafra hérna um á blogginu og rakst þá á þitt blogg. Bara kasta á þig kveðju og gangi þér vel áfram kveðja Fríða

[Magnús Guðjónsson, 16.4.2008 kl. 20:15]

Þakka  þér  fyrir  heimsóknina  Fríða  Bára,  gaman að sjá að þú  ert sprell lifandi,  gangi  þér  allt í  haginn líka,  kannski  verðum við  bara bloggvinir..??

Hafðu  það svo  eins og  þú  vilt