Tíminn líður hratt, já ótrúlega hratt...
21.11.2007 | 11:03
Það eru nú örugglega allir búnir að gefast uppá þessari bloggsíðu minni, enda hefur verið ótrúlega lítið lífsmark með henni undanfarnar vikur. En svona verður þetta bara, það mun sennilega oftast koma hlé í bloggfærslurnar mínar þegar ég er á Íslandi að vinna en ekki í Marokkó. Ég er búinn að vera hér heima í ca. mánuð og á leið út núna á föstudaginn aftur og kem svo heim korter í jól, til að vera með krökkunum mínum á jólunum og til að láta mér líða vel.. Ég er reyndar búinn að hafa nóg að gera þessa daga á Íslandi og hef notið þeirra allra og ekki síst stundanna með öllum sem mér þykir vænt um.. Ég keypti mér nýja íbúð sem ég ætla að flytja í í byrjun janúar, með bílskúr og alles, fullt af fermetrum, alveg ný og flott íbúð, auðvitað í Kópavogi, þar sem best er að búa. Við Helga mín gengum frá lögskilnaði, þannig að nú er maður alveg frjáls og engum bundinn, lögformlegum böndum, nema bara bankanum. Mér var nú reyndar hugsað til þess þegar við vorum hjá sýslumanni að allt er skattlagt líka skilnaðir fólks. Ég skrapp til Dublin um helgina og upplifði rigninguna þar sem var næstum því eins og rigningin hér en ég á góða regnhlíf sem færði mér margvísleg lífsgæði og forskot í Dublin. Ég var á frábærri ráðstefnu á föstudag, laugardag og sunnudag, ráðstefnu sem gaf mér heilmikið og ég á eftir að nýta mér á komandi mánuðum í leik og starfi..
Ég verð nú vonadi duglegri að blogga úr sólinni og sandinum í Sahara á næstu vikum, eigið ánægjulega aðventu og hafið það eins og þið viljið
Magnús G.
Athugasemdir
já það var sko komin tími á nýtt blogg, vonandi verðurðu duglegri að blogga úti.....
til hamingju með íbúðina.
Sigrún Ásta (IP-tala skráð) 21.11.2007 kl. 14:01
Sæll Magnús.
Rakst á síðuna þín í gegnum síður Fjólu Þorsteins. Alltaf gaman að hitta Fáskrúðsfirðinga á förnum vegi helst en getum við ekki kallað þetta farin veg á stuttum tíma.
Oh hvað mig dreymir alltaf um að fara erlendis til að vinna en það verða nú allir að samþykkja það. Gangi þér allt í haginn og hafðu það sem allra best.
Kveðja
Jóhanna Kr Hauksd
Jóhanna Kristín Hauksdóttir (IP-tala skráð) 23.11.2007 kl. 22:14
Sæl Jóhanna, gaman að fá heimsókn frá þér á síðuna mína, við förum víða þessir Fáskrúðsfirðingar, gangandi, hjólandi, siglandi, akandi eða fljúgandi. Ég hvet þig endilega til að láta drauminn um að vinna erlendis rætast hjá þér, maður á að fara á eftir draumunum sínum, annars verður maður ekki sáttur. Kíldu bara á þetta og þú færð allavega mitt samþykki.. Hafðu það svo eins og þú vilt og vertu velkomin á síðuna mína hvenær sem er..
Magnús G.
Magnús Guðjónsson, 24.11.2007 kl. 00:11
Góða ferð út og til hamingju með íbúðina. Kveðja.
Eyþór Árnason, 24.11.2007 kl. 00:17
Takk fyrir góðar kveðjur Eyþór..Sendi þér og þínum mínar bestu kveðjur með ósk um ánægjulega aðventu..
MG.
Magnús Guðjónsson, 24.11.2007 kl. 00:42
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.